Astanadaǧy Qadyr Myrza Älı atyndaǧy №88 mektep-liseiınde «Aqbota» jazǧy sauyqtyru lagerı aşyldy, dep habarlaidy astana-akshamy.kz
Jalpy, bügın qala boiynşa barlyq bılım beru ūiymdarynda jazǧy lagerler öz jūmysyn bastady.
Sauyqtyru lagerınıŋ aşylu saltanatyna qalalyq Bılım basqarmasynyŋ ökılderı, mūǧalımder, mekteptıŋ bastauyş jäne 5-8 synyp oquşylary, qonaqtar men ata-analar qatysty.
Astana qalasy Bılım basqarmasynyŋ qosymşa bılım beru jäne tärbie jūmysy bölımınıŋ bas mamany Mädina Süleimenovanyŋ sözınşe, elordada 206 myŋnan asa bala jazǧy demalyspen qamtylady.
«Bızde balalardyŋ jazǧy demalysyn ūiymdastyru jūmysy jyl basynan bastaldy. Elordada 206 myŋ 468 bala jazǧy demalyspen qamtylatyn bolady. Jalpy, balalardyŋ jazǧy demalysyn ūiymdastyru ekı baǧyt boiynşa jürgızıledı – sauyqtyru jäne jūmyspen qamtu. Bırınşı baǧyt boiynşa 97 mektep janyndaǧy lager jäne oquşylardyŋ müddelerı boiynşa 75 beiındık lager jūmys ısteitın bolady. Odan bölek, Balalar men jasöspırımderdıŋ turizm jäne ölketanu ortalyǧy aumaǧynda ornalasqan «Batyr» şatyrly lagerı jūmys ısteitın bolady, oǧan üş mausymda 150 bala barady. Sonymen qatar №43 qosymşa bılım beru mektep-ortalyǧynda 720 balany qamti otyryp, 3 mausym men 23 tamyz aralyǧynda «Aq jelken» sport lagerı jūmys ısteitın bolady», – dedı Mädina Süleimenova.
Basqarma ökılınıŋ aituynşa, biyl elordada mektep janyndaǧy 20 etnolager aşylǧan.
«Sondai-aq 20 mektepte kiız üi ornatylǧan etnolagerler jūmys ısteidı. Onda qazaqtyŋ ūlttyq dästürı men oiyndary därıpteledı. Bırınşı baǧyt boiynşa 121 mektepte sporttyq lager jūmys ısteitın bolady. Onda jattyqtyruşylardyŋ kömegımen arnaiy sport alaŋdarynda balalarǧa sport türlerı üiretıledı. Odan bölek tanymal sportşylarmen kezdesu ötedı», – dedı ol.
Sonymen qatar az qamtylǧan otbasylardan şyqqan balalar üşın lagerler jalpyǧa bırdei mındettı bılım beru qorynyŋ qarajaty esebınen tegın bolady. Osylaişa, 7 326 bala demala alady.
«Balalardyŋ eŋbekpen qamtyluyna toqtalatyn bolsaq, «Jasyl el» baǧdarlamasy arqyly balalar mektep aulasynda bır ai boiy abattandyru jäne kögaldandyru jūmysyna qatysady jäne olarǧa jalaqy tölenedı. Jalpy, 1 myŋnan asa bala bar. Sonymen qatar Eŋbek mobildıgı ortalyǧynyŋ bastamasymen 100 bala eŋbekpen qamtylady. Mektep oquşylarynyŋ bolaşaq mamandyǧyna qatysy bar mekemege aparyp, jūmys ūsynady. Odan bölek qala boiynşa özge basqarmalarda da mektep oquşylaryna arnalǧan jüktemesı az jūmys oryndary qarastyrylǧan. Ol tek oquşynyŋ ata-anasynyŋ kelısımı arqyly jüzege asyrylady», – dedı Bılım basqarmasynyŋ ökılı Mädina Süleimenova.
Bügın qala boiynşa alǧaş ret esıgın aşqan etnolagerler mektep aulasynda tūrǧyzylǧan kiız üide ötedı. Qadyr Myrza Älı atyndaǧy №88 mektep-liseiınde de bügın kiız üi tūrǧyzylyp, oquşylar öz önerlerın körsettı. Odan bölek balalarǧa qūraq qūrau, şi toqu, jün tütu, ūrşyqpen jıp iıru jäne ūlttyq taǧam türlerın äzırleu ädısterı körsetıldı.
Atalǧan mektep-liseidıŋ direktory Janat Aitovanyŋ aituynşa, etnolagerde ūlttyq qūndylyqtar därıpteletın bolady.
«Bügın erekşe sättıŋ kuäsı bolyp otyrmyz. Oquşylardyŋ jazǧy demalysyn tiımdı ötkızu üşın mektep janyndaǧy lagerler ūiymdastyrylyp otyr. Osyǧan orai bızdıŋ mektebımızde de «Elorda – baqytty balalyq mekenı 2024» taqyrybynda lager aşyldy. Bızdıŋ maqsatymyz – etnolager arqyly ūlttyq qūndylyqtardy därıpteu. Onda etnografiialyq tärbie men bılım beru jäne salt-dästürı men ädep-ǧūrypty tüsındırıledı. Bügıngı lagerdıŋ aşylu saltanaty balalardyŋ lagerge keluıne jäne belsendı qatysuyna yqpal etedı dep ümıttenemın», – dedı mektep-lisei direktory.
Saltanatty jiynda balalar ūlttyq oiyndar oinap, än aityp, lagerdıŋ alǧaşqy künın este qalatyndai ötkızdı. Lager jetekşılerı balalardy topqa bölıp, erkın taqyrypta asfaltqa suretter saludy ūsyndy.
