Mektepterde bullingke qarsy baǧdarlama ıske qosylady
![](https://astana-akshamy.kz/wp-content/uploads/2024/04/c59c51fffd13788afc7a7b926f7bebe1_1280x720-780x470.jpeg)
Elordada oquşylardy käsıbi psihologiialyq kömekpen qamtamasyz etu jäne oqu oryndarynda bullingtıŋ aldyn alu boiynşa belsendı jūmys jürgızılude, dep habarlaidy astana-akshamy.kz
Elordanyŋ bes audanynda oquşylarǧa, ata-analarǧa tegın psihologiialyq-konsultasiialyq kömek körsetu kabinetterı qūryldy (Qalanyŋ ädıstemelık ortalyǧy, «Ūstazdar üiı», №22 ŞG, №54 ML, №88 ML bazasynda).
2024 jyldyŋ basynan berı onda 142 bala men 156 ata-anaǧa (2023 jyly 264 bala men 254 ata-ana) konsultasiialar ötkızıldı.
Endı elordada qalalyq psihologiialyq qoldau ortalyǧyn aşu josparlanuda. Ortalyq bazasynda diagnostikalyq, tüzetu-damytu, konsultasiialyq, psihoprofilaktikalyq qyzmetter jüzege asyrylatyn bolady.
Elordanyŋ mektepterı men kolledjderınde psihologpen tıkelei bailanysuǧa jäne konsultasiialyq kömek aluǧa mümkındık beretın QR-kodtary bar aqparattyq taqtaişalar ornalastyrylǧan. Balalar men olardyŋ ata-analary sūraqtarǧa jauap ala alady, sonymen qatar oquşylar arasynda tuyndaǧan mäseleler boiynşa şaralar qoldana alady.
Biyl bılım beru ūiymdarynda bullingke qarsy baǧdarlamany ıske asyru josparlanuda.
Ol üşın pilottyq jobaǧa 5 mektep (Almaty audanynyŋ № 72 mektebı, Baiqoŋyr audanynyŋ №16 mektebı, Nūra audanynyŋ №79 mektebı, Esıl audanynyŋ №24 mektebı, Saryarqa audanynyŋ №6 mektebı) engızıldı.
Osy baǧdarlama şeŋberınde qorqytudyŋ aldyn alu jäne azaitu (sabaqtar, taqyryptyq kezekşılıkter, bırlesken oqular ötkızu), bullingtıŋ anyqtalǧan jaǧdailaryn şeşu boiynşa ıs-şaralar ötkızıletın bolady. Sondai-aq mūǧalımderdı oquşylardyŋ mazasyzdyq därejesın anyqtau daǧdylaryna oqytu josparlanuda.