Zaŋ Memleket basşysynyŋ 2022 jylǧy 16 nauryzdaǧy «Jaŋa Qazaqstan: jaŋaru men jaŋǧyru joly» atty Qazaqstan halqyna Joldauynda memlekettıŋ müddelerın, qoǧamnyŋ sūranystaryn jäne media salasynyŋ damu ürdısterın eskere otyryp, būqaralyq aqparat qūraldary turaly zaŋdy qaita qarau turaly bergen tapsyrmasyn oryndau maqsatynda äzırlendı, dep habarlaidy astana-akshamy.kz.
Jaŋa Zaŋǧa «Būqaralyq aqparat qūraldary turaly» jäne «Teleradio habarlaryn taratu turaly» zaŋdardyŋ negızgı erejelerı endı. Atalǧan zaŋdar aldaǧy uaqytta küşın joiady.
Jaŋa Zaŋda bırqatar tyŋ erejeler qarastyrylǧan.
Atap aitqanda, būqaralyq aqparat qūraldarymen qatar, internet-resurstardy da qamtityn «mass-media» degen jaŋa ärı anaǧūrlym keŋ ūǧym engızıldı.
Memlekettık aqparattyq saiasat jüzege asyrylatyn Bıryŋǧai media platforma qūru közdelgen. Onyŋ ışınde memlekettık emes būqaralyq aqparat qūraldaryna granttar beru, akkreditteudıŋ oŋailatylǧan tärtıbı arqyly (akkreditasiia kartalaryn berudıŋ avtomattandyrylǧan prosesı) jurnalisterdı memlekettık organdar men ūiymdarǧa tırkeu jäne basqa da mındetter qarastyrylǧan.
Jurnalister üşın qosymşa qūqyqtyq kepıldıkter belgılengen. «Jurnalistıŋ erekşe märtebesı» degen ūǧym engızıldı. Iаǧni, jurnalistıŋ qūqyqtary men bostandyqtarynyŋ qorǧaluyn, olardyŋ aqparat ızdeu, sūratu, alu jäne taratu kezındegı, sondai-aq «Mass-media turaly» Zaŋda belgılengen özge de erekşe qūqyqtaryn jurnalist märtebesı dep tüsınu kerek.
Şyndyqqa säikes kelmeitın jäne azamattardyŋ ar-namysyna, qadır-qasietıne jäne ıskerlık bedelıne nūqsan keltıretın mälımetterdı terıske şyǧaru turaly BAQ-qa talap qoiu merzımı būqaralyq aqparat qūraldarynda mälımetter jariialanǧan künnen bastap 1 jyl dep belgılengen.
Şeteldık būqaralyq aqparat qūraldarynyŋ ökıldıkterı men olardyŋ jurnalisterın akkreditteu tärtıbı jetıldırıldı.
BAQ-tyŋ sūratularyn qarau merzımı 7-den 5 jūmys künıne deiın qysqartyldy. Būl jurnalisterge qajettı aqparatty qysqa merzımde aluǧa mümkındık beredı. Osylaişa aqparattyŋ özektılıgı saqtalady.
BAQ-tyŋ öz qyzmetın özı retteu maqsatynda Zaŋda qoǧamdyq-käsıptık keŋester qūru közdelgen. Keŋester respublikalyq jäne öŋırlık deŋgeilerde qūryluy mümkın.
Būl keŋesterdıŋ negızgı qyzmetı – Jurnalisterdıŋ ädep kodeksın äzırleu.
Granttyq qarjylandyrudy engızu arqyly memlekettık aqparattyq saiasatty qarjylandyru tetıkterı jetıldırıldı.
Ūlttyq tele-radio habarlaryn taratu müddesın qorǧau maqsatynda memlekettık tıldegı otandyq tele-radio baǧdarlamalardyŋ apta saiynǧy kölemı 50 paiyzdan 60 paiyzǧa deiın ūlǧaityldy.
Otandyq tele-radio arnalarda şeteldık tele-radio baǧdarlamalaryn retransliasiialau kölemı 20 paiyzdan 10 paiyzǧa deiın tömendetıldı.
Öz-özıne qol jūmsaudy nasihattaityn aqparatty, özın-özı öltırudıŋ joldary men oǧan ündeitın aqparatty taratuǧa jäne (nemese) jariialauǧa tyiym salynady.
