Prezident Qasym-Jomart Toqaev BAQ salasy qyzmetkerlerın marapattau räsımınde söilegen sözınde özı üzbei oqityn gazetterdı atady, dep habarlaidy astana-akshamy.kz.
«Baspasöz – qoǧamnyŋ bet-beinesı. Men kündelıktı gazet-jurnaldy ünemı qadaǧalap otyramyn. «Egemen Qazaqstan», «Kazahstanskaia pravda», «Aiqyn», «Liter», «Turkistan», «Ana tili», «Qazaq ädebietı» basylymdaryn, aimaqtarda şyǧatyn gazetterdı de üzbei oqimyn. Köp maǧlūmat alamyn, paidaly aqparat öte köp. Jalpy, qazırgı taŋda gazetterde jariialanyp jatqan materialdardyŋ sapasy joǧary, oquǧa tartymdy dep aitqym keledı. Qoǧamnyŋ tynysyn, ziialy qauymnyŋ oi-pıkırın bılıp otyru öte maŋyzdy dep sanaimyn», – dedı Memleket basşysy.
Sondai-aq, Qasym-Jomart Toqaev qazırgıdei qūbylmaly zamanda halyqqa jan-jaqty saraptalǧan, tekserılgen, şynaiy aqparatty ūsynu maŋyzdy ekenıne toqtaldy.
«Azamattardy adastyratyn aqparatqa jol beruge bolmaidy. Söz bostandyǧy – eldegı är bastamany synau degen söz emes. Naǧyz ūlt müddesın közdegen aqparat qūraly eldıŋ bereke-bırlıgın nyǧaitu üşın qyzmet etuı kerek. Şyn mänınde, gazet şyǧaru jäne gazet oqu ürdısı eşqaşan üzılmeuge tiıs. Osy sabaqtastyqty saqtap qalu kerek. Būl – örkeniettı elderdıŋ barlyǧynda qalyptasqan dästür», – dedı Prezident.
