QMA qyzmetkerı bır jyl boiy memlekettık qūpiiany böten adamdarǧa berıp kelgen, dep habarlaidy astana-akshamy.kz
Sol qylmysy üşın atalǧan agenttıktıŋ qyzmetkerı naqty merzımge sottaldy.
Şymkent Qylmystyq ıster jönındegı audanaralyq sotynyŋ ükımı boiynşa, QR QK-nıŋ 185-baby 3-bölıgı (Memlekettık qūpiialardy zaŋsyz jariia etu) boiynşa azamat K. 5 jylǧa bas bostandyǧynan aiyryldy.
«Būl qylmys memlekettıŋ qauıpsızdıgıne qater töndıretın eŋ auyr qylmystardyŋ bırı retınde saralandy. Sot barysynda prokuror qyzmetkerdıŋ qūpiia aqparatty üşınşı tūlǧalarǧa bır jyl boiy bergenı turaly senımdı dälelder keltırdı», – delıngen habarlamada.
Mūndai qylmystardyŋ aldyn alu – qūqyq qorǧau organdarynyŋ basym baǧyttarynyŋ bırı. Ükım zaŋdy küşıne endı.
