Damudyŋ jaŋa kezeŋıne qadam basyp jatqan Qazaqstanda basym baǧyttyŋ bırı – memlekettık qyzmet jüiesın jaŋǧyrtu. Memleket basşysy Qasym-Jomart Toqaev özınıŋ Joldauynda Memlekettık qyzmet ısterı agenttıgınıŋ tolyqqandy strategiialyq HR institutyna ainaldyrudy basty baǧdar etıp anyqtap bergen bolatyn.
Memleket basşysynyŋ tapsyrmasyna säikes, memlekettık qyzmetke ırıkteu men qabyldau prosesın tolyq sifrlandyru jäne odan şyǧu räsımderın jeŋıldetu, biurokratiiaǧa jol bermeu, meritokratiia qaǧidatyn ılgerıletuge qatysty mäseleler zerdelenıp, ūsynystar qabyldanǧan bolatyn.
Osy tūsta, 2023 jyldyŋ 1 nauryzynan bastap «E-qyzmet» aqparattyq jüiesınde memlekettık qyzmetke ırıkteudıŋ qanatqaqty jobasy ıske qosyldy. Ötken jyly joba Memlekettık qyzmet ısterı agenttıgı, Aqmola oblysy men Şymkent qalasy äkımdıkterı, İndustriia jäne infraqūrylymdyq damu, Sauda jäne integrasiia ministrlıkterınde jürgızıldı.
Al 2024 jyldyŋ aqpan aiynan bastap Astana jäne Şymkent qalalarynyŋ, Aqmola, Pavlodar jäne Qaraǧandy oblystarynyŋ jergılıktı atqaruşy organdary, Mäslihattary, Tekseru komissiialary, Qazaqstan Respublikasynyŋ Bäsekelestıktı qorǧau jäne damytu agenttıgı, Qazaqstan Respublikasynyŋ Kölık ministrlıgı, Qazaqstan Respublikasynyŋ Önerkäsıp jäne qūrylys ministrlıgı, Qazaqstan Respublikasynyŋ Sauda jäne integrasiia ministrlıgı, Qazaqstan Respublikasynyŋ Turizm jäne sport ministrlıgı, Qazaqstan Respublikasynyŋ Ekologiia jäne tabiǧi resurstar ministrlıgı qanatqaqty jobaǧa endı.
Jaŋa ırıkteu jüiesıne säikes, memlekettık qyzmetke ornalasuǧa ümıtkerler «E-qyzmet» aqparattyq jüiesınde tört zaŋ boiynşa zaŋnamany, atap aitqanda Qazaqstan Respublikasynyŋ Konstitusiiasy, Memlekettık qyzmet turaly, Sybailas jemqorlyqqa qarsy ıs-qimyl turaly zaŋdary men Memlekettık qyzmetşılerdıŋ Ädep kodeksı jäne memlekettık tıldı bıluge testıleuden 24/7 boiy öte alady. Testıleuden sättı ötken ümıtkerler jüiedegı konkurstarǧa qatysuǧa ötınım beredı.
Konkurstyŋ ırıkteu kezeŋı – jeke qasietterı men ümıtkerlerdıŋ mätındık jäne sandyq aqparatpen jūmys ısteu qabıletın baǧalaudy jäne sarapşylar komissiiasymen äŋgımelesudı qamtidy.
Testıleu uaqytynda ümıtkerdıŋ tärtıptı saqtauyn proktoring jüiesı qamtamasyz etedı.
Irıkteu kezeŋderınde eŋ tömen ball jinaǧan ümıtkerlerdı jaŋa jüie avtomatty türde kezeŋ-kezeŋımen alyp tastau arqyly, üzdık üş ümıtkerdıŋ pilottyq organnyŋ sarapşylar komissiiasynda äŋgımelesu kezeŋıne jıberedı.
Būl joba konkurstardan ötu kezeŋınde adami faktorlardyŋ äserın tolyǧymen alyp tastaidy. Irıkteuden ötu kezınde iesızdendıru jäne anonimdılıktı qamtamasyz etu üşın jüie ümıtkerlerge säikestendıru ID nömırlerın beredı.
Nätijesınde qanatqaqty jobada konkurs jeŋımpazy komissiianyŋ şeşımımen emes, säikesınşe barlyq kezeŋderde jinaǧan balldarynyŋ qorytyndysy boiynşa jüiemen avtomatty türde anyqtalatyn bolady.
Bügıngı künı ırıkteudıŋ jaŋa jüiesı boiynşa konkursqa qatysqan ümıtkerlerdıŋ on bır myŋnan astamy jeŋımpaz atandy.
Osy tūsta, Memlekettık qyzmet ısterı agenttıgınıŋ barlyq bastamalary Memleket basşysynyŋ memlekettık apparattyŋ adamǧa baǧdarlanǧan jäne servistık modelın qalyptastyru boiynşa qoiǧan mındetterın jüzege asyruǧa baǧyttalǧandyǧyn atap ötkım keledı.
Būl halyq ünıne qūlaq asyp, jūrtşylyqtyŋ talap-tılegın eskerıp, qoǧamnyŋ sūranysyna tolyqqandy jauap bere alatyn aşyq, käsıbi memlekettık apparatty qalyptastyrudyŋ negızgı bastamasy.
Ainur AKUPOVA,
Memlekettık qyzmet ısterı agenttıgı
Astana qalasy boiynşa departamentınıŋ
Memlekettık qyzmet basqarmasynyŋ bas mamany
