Memlekettık qyzmetşı künıne orai memlekettık qyzmette eŋbek sıŋırgen ardager qalamgerlermen kezdesu öttı, dep habarlaidy astana-akshamy.kz.
Bügın Memlekettık qyzmet ısterı agenttıgınde 23 mausym – Memlekettık qyzmetşı künıne orai «Ädılettı Qazaqstandy Adal azamattar qūrady» taqyrybynda memlekettık qyzmette eŋbegı sıŋgen ardager jazuşy qalamgerlermen kezdesu öttı. Kezdesuge Memlekettık qyzmet ısterı agenttıgınıŋ töraǧasy Darhan Jazyqbai, memlekettık qyzmetşıler,
Memlekettık basqaru akademiiasynyŋ magistranttary men doktoranttary qatysty. Şaranyŋ negızgı maqsaty – aǧa buyn jäne öskeleŋ ūrpaqtyŋ arasyndaǧy sabaqtastyqty jandandyru. Tälım-tärbielık mänı erekşe osy şarada söz alǧan Agenttık töraǧasy Darhan Jazyqbai «Qoǧamdy ızgılıkke tärbieleude, ūrpaqtyŋ sana-sezımın, oi-örısın keŋeitude ädebiettıŋ atqaratyn rölı erekşe» dei kele, kezınde ädebiet pen memlekettık qyzmettı qatar alyp jürgen, eldık mūrattardy nasihattap, täuelsızdıktıŋ tūǧyryn nyǧaituǧa üles qosqan aǧa ūrpaqtyŋ qalamgerlık jäne qairatkerlık bolmysyna arnaiy toqtalyp, qonaqtarǧa kezdesuge arnaiy qatysqany üşın alǧysyn bıldırdı.
Agenttık töraǧasy qalamgerlerdı Memleket basşysy Kasym-Jomart Toqaev jariialaǧan «Ädılettı Qazaqstan – Adal azamat» qaǧidatyn ılgerıletuge, memlekettık apparat ökılderınıŋ boiynda ädıldık, adaldyq, memleketşıldık syndy qasietterdı ornyqtyru ısıne atsalysuǧa şaqyrdy. Osy oraida «Adal azamat» qūndylyqtaryn beineleitın, memlekettık qyzmetşılerdıŋ jaǧymdy beinesın qalyptastyruǧa yqpal etetın jaŋa tuyndylar jazuǧa ūsynys bıldırdı. Ondai şyǧarmalardyŋ tartymdy boluy üşın, memlekettık qyzmettıŋ qyr-syryn jetık bıletın jazuşylar qalam tartyp jatsa tuyndynyŋ mazmūny şynaiy da äserlı şyǧatynyn atap öttı.
Uälihan Qalijanūly, Jabal Erǧaliūly, Joltai Älmaşūly, Roza Mūqanova, Azat Äkım syndy jazuşy qalamgerler öz täjıribelerımen bölısıp, oilaryn ortaǧa saldy. Memlekettık qyzmetşıler men Memlekettık basqaru akademiiasynyŋ tyŋdauşylarynyŋ qoiǧan saualdaryna jauap berıp, pıkır almasty. Şara soŋynda «Ädılettı Qazaqstan – Adal Azamat memlekettık qyzmetşılerdıŋ käsıbi jäne tūlǧalyq bolmysy» atty kıtaptyŋ tūsauy kesıldı. Kıtaptyŋ mazmūnynda ūlttyq müdde, memlekettık sana, ädıldık, aşyqtyq, antqa adaldyq syndy qaǧidattar körsetılıp, olardy özektı ūstanym retınde ūsynu arqyly memlekettık apparattyŋ damuyna jaŋaşa serpın beru közdelgen. Tuyndy avtory Darhan Jazyqbai ūsynylyp otyrǧan eŋbekte jaŋa formasiiadaǧy memlekettık qyzmetşılerge tän basty ūstanymdar men qaǧidattar jaily jazylǧanyn, olar memlekettık qyzmetşılerdıŋ sanaly jaŋǧyruyna, olardyŋ boiynda jaŋa mädeniet pen jaŋaşa qūndylyqtar qalyptastyruǧa baǧyttalǧanyn atap öttı.
