Türkı memleketterı ūiymyna müşe memleketterdıŋ adam resurstaryn damytu jönındegı uäkılettı organdar basşylarynyŋ üşınşı kezdesuı öttı, dep habarlaidy astana-akshamy.kz.
Halyqaralyq «23 mausym – Memlekettık qyzmetşı künıne» orai Memlekettık qyzmet ısterı agenttıgınıŋ ūiymdastyruymen Türkı memleketterı ūiymyna müşe memleketterdıŋ adam resurstaryn damytu jönındegı uäkılettı organdar basşylarynyŋ üşınşı kezdesuı öttı.
Negızgı maqsaty – ūiymǧa qatysuşy elderdıŋ memlekettık qyzmettegı adami resurstardy basqaru salasynda täjıribe almasu jäne özektı mäselelerdı talqylau.
Is-şaraǧa Memlekettık qyzmet ısterı agenttıgınıŋ töraǧasy Darhan Jazyqbai, Türkı memleketterı ūiymynyŋ Bas hatşysy Kubanychbek Omuraliev, Türkiia Respublikasy Prezidentı janyndaǧy Adami resurstardy basqaru ofisınıŋ prezidentı Salim Atai, Özbekstan Respublikasynyŋ Memlekettık qyzmettı damytu agenttıgınıŋ direktorynyŋ bırınşı orynbasary Amirtemirhon Musaev, Äzırbaijan Respublikasynyŋ Memlekettık emtihan ortalyǧynyŋ direktorlar keŋesı töraǧasy orynbasary Bahram Halilov, Äzırbaijan Respublikasynyŋ Prezidentı janyndaǧy Memlekettık basqaru akademiiasynyŋ rektory Urhan Alakbarov, Qyrǧyz Respublikasynyŋ Prezidentı janyndaǧy Memlekettık basqaru akademiiasynyŋ prorektory Urmat Amanbaev, sondai-aq ortalyq memlekettık organdardyŋ apparat basşylary qatysty.
MQIA töraǧasy Darhan Jazyqbai jahandanu jäne jedel tehnologiialyq progress jaǧdaiynda ūlttyq jäne halyqaralyq deŋgeidegı bäsekege qabılettılıktıŋ negızı – adam kapitalyna erekşe köŋıl böludıŋ maŋyzdylyǧyna toqtaldy.
«Memleket basşysy Türkı memleketterı ūiymynyŋ kezekten tys sammitınde elderımız saiasi, ekonomikalyq jäne mädeni yqpaldastyqty jaŋa deŋgeige köteruı qajet dep aityp ötken bolatyn. Sondyqtan bız üşın Türkı älemınıŋ ekonomikalyq, mädeni jäne äleumettık salalardaǧy üilesımge ūmtylysyn eskere otyryp, memlekettık qyzmettegı HR salasynda da ūtymdy şaralar qabyldaudyŋ maŋyzy erekşe. Bızdıŋ maqsatymyz bır – ol memlekettık qyzmette adam resurstaryn basqarudyŋ küştı ärı üilesımdı jüiesın qūru», – dedı Darhan Jazyqbai.
Bügınde Qazaqstanda memlekettık qyzmettı jaŋǧyrtuda HR qūraldaryn qoldanuǧa basymdylyq berılıp, talantty jastardy jäne jeke sektordan käsıbi mamandardy tartudyŋ jaŋa tetıkterı engızılude. Bılıktılıgı men salalyq täjıribesıne säikes käsıbi mamandar men daryndy basqaruşylardy jekelegen joǧary lauazymdarǧa, al joǧary oqu oryndarynyŋ grantpen bıtırgen üzdık tülekterın audandyq jäne auyldyq deŋgeidegı lauazymdarǧa konkurssyz taǧaiyndau, «kelısımşarttyq qyzmetşı» retınde salalyq mamandardy naqty jobalardy ıske asyruǧa tartu mümkındıkterı berılgen.
Sifrlyq transformasiia aiasynda «e-Qyzmet» jüiesınde ıske qosylǧan memlekettık qyzmetke ırıkteudıŋ jaŋa formaty Qazaqstan azamattaryna konkurstarǧa onlain türde qatysuǧa jol aşty. Sifrlyq ırıkteu jüiesın odan ärı jetıldıru maqsatynda agenttıkpen jasandy intellekt qūraldaryn qoldanu mäselesı zerdelenude.
Jiynǧa qatysuşylar öz kezegınde, Qazaqstannyŋ memlekettık qyzmettı jetıldıru baǧytyndaǧy qadamdaryn oŋ baǧalap, özgerıster däuırınde adami kapitaldy damytuǧa qatysty özektı oilary men ozyq täjıribelerın ortaǧa saldy. Äzırbaijanda testıleu qūraldaryn keŋınen qoldanu, Qyrǧyzstanda memlekettık qyzmetşılerdıŋ sifrlyq sauattylyǧyn arttyru, Türkiiada üzdıksız oqytu jüielerın ılgerıletu, Özbekstanda baǧalau tetıkterın jaŋartu jūmysy alǧa qoiylǧandyǧy aityldy.
Kezdesu soŋynda qatysuşylar bügıngıdei basqosudyŋ memlekettık qyzmettegı adami resurstardy basqaru boiynşa täjıribe almasudaǧy jäne üzdık şeşımderdı äzırleudegı maŋyzyn erekşe atap, odan ärı yntymaqtastyqty nyǧaituǧa niettı ekenderın bıldırdı.
