Astanada Memlekettık rämızder künıne bırqatar ıs-şaralar ötkızu josparlanuda, dep habarlaidy astana-akshamy.kz
Olardyŋ arasynda chellendj, körme, türlı aksiialar, merekelık konsert jäne t.b. bar.
4 mausym künı Qalamgerler alleiasynda «Kıtap qala» aşyq aspan astyndaǧy kıtaphana bazasynda «Memlekettık rämızder – ūlttyŋ aişyqty taŋbasy» taqyrybynda kıtap körmesı ūiymdastyrylady.
Būl künı saǧat 14.00-16.00 aralyǧynda «Baiterek» monumentı aldynda «Men Qazaqstannyŋ patriotymyn!» äskeri-muzykalyq patriottyq şeru ötedı.
Sondai-aq, qalalyq Arbat pen qalalyq ortalyq saiabaǧynda «Rämızderım-aibynym» aksiiasy ötedı. Onyŋ aiasynda qala tūrǧyndaryna memlekettık jalauşalar taratylyp, viktorina oinatylady jäne qatysuşylarǧa syilyqtar tabystalady.
Saǧat 19:00-de qalalyq arbatta «Menıŋ elım!» patriottyq änder şeruı ötedı.
Äleumettık jelılerde Qazaqstan Respublikasynyŋ memlekettık rämızder künıne arnalǧan virtualdy körme ötedı.
Bılım beru mekemelerı men ūiymdarynda bırqatar ıs-şara ötpek. Olar: «Men Qazaqstan Respublikasynyŋ azamatymyn» pıkırsaiysy, QR Memlekettık rämızderı taqyrybyna arnalǧan olimpiada, «Memlekettık rämızder – eldıgımızdıŋ nyşany» tanymdyq saǧattary, «Elımnıŋ rämızderı» jas aqyndar baiqauy, «Atameken» atty patriottyq öleŋder oryndau boiynşa chellendj, «El rämızderı – el ruhy» kıtap körmesı, «Elımnıŋ Rämızder künı» balalar jūmystarynyŋ qalalyq körmesı, «Memlekettık rämızder – ūlt maqtanyşy» konserttık baǧdarlamasy, «Rämızderım – maqtanyşym!» merekelık konsertı ūiymdastyrylady.
Sonymen qatar, 3-4 mausym künderı Qazaqstan Respublikasy memlekettık rämızder künıne orai memlekettık jäne baǧynysty mekemelerde «Men Qazaqstannyŋ patriotymyn!» merekelık ıs-şaralary josparda bar.
Memlekettık mekemeler, aumaqtyq organdar, baǧynysty ūiymdar jäne t.b. arasynda «Menıŋ rämızderım – menıŋ maqtanyşym!» jalpyqalalyq patriottyq aksiia-chellendjı ötedı.
Äleumettık jelılerde bır uaqytta Memlekettık Tudyŋ tūsynda tüsken suret ornalastyra otyryp, «Menıŋ tuym – menıŋ maqtanyşym!» jalpyūlttyq chellendjı ūiymdastyrylady.
Mausymnyŋ alǧaşqy künderınen bastap, «Tuymyz – törımızde!» patriottyq aksiia ötkızılude. Onyŋ aiasynda QR Memlekettık tularyn tūrǧyn üiler men ǧimarattardyŋ balkondary men terezelerınde jelbıretu ıs-şarasy qolǧa alyndy. Jalpy 1000 juyq Memlekettık Tular tūrǧyn üilerge ılındı.
