Prezident Qasym-Jomart Toqaev qol qoiǧan «Memlekettık satyp alu turaly» zaŋǧa qatysty sarapşy pıkır bıldırdı, dep habarlady astana-akshamy.kz
«Ädıldık joly» RQB ökılı Erbol Sardarbekovtıŋ aituynşa, zaŋdaǧy barlyq özgerıs memlekettık satyp alular salasyndaǧy jaǧdaidy jaqsartu nietımen jasalǧany sözsız. Bıraq tapsyrys beruşı men biznestıŋ jauapkerşılıgın teŋ bölude älı de küdık bar.
«Konkurssyz kelısımşart jasau, kelısımşart qūnyna qaramastan, tek aiyppūlǧa (200 AEK-ke deiın, 738 400 teŋge, 1 AEK – 3 692 teŋge) äkeluı mümkın. Aiyppūldy tölep, lauazymdy tūlǧa öz ornynda qala alady.
Memlekettık satyp aluda biudjet qarajatyn ūrlau jaǧdaiynda zalaldy ötep, lauazymdy tūlǧa tek jūmysynan aiyryluy mümkın. Eger tapsyrys beruşı räsımdık zaŋbūzuşylyqtarǧa jol berse jäne ol lobbistık etken firma tenderde jeŋse, ony tek tärtıptık jazaǧa ǧana tarta alady, bıraq kelısımşartty sirek toqtatady. Memlekettık qyzmetkerge jatpaityndardy jazalau tıptı qiyn, – dedı sarapşy.
Onyŋ sözınşe, eger jetkızuşı tenderlerde qate aqparat berıp, konkursta jeŋse, ony avtomatty türde qara tızımge engızedı jäne ol 2 jyl boiy tenderge qatysa almaidy. Al jetkızuşı jūmysty oryndaǧan jaǧdaida, eger memlekettık organnyŋ qarjylandyruy bolmasa, oǧan tölem jasalmauy mümkın, al jetkızuşı sotqa jügınuge mäjbür bolady.
Sondai-aq ol taǧy bır özektı mäselege nazar audardy.
Mysaly, jetkızuşı infliasiia qaupınen qorǧalmaǧan: kelısımşart jasalǧan kezde baǧalar kürt ösken jaǧdaida, ol tapsyrysty şyǧynǧa qaramastan oryndauy kerek. Negızınde būl zaŋ biudjettık, äkımşılık kodekstı syndy bırneşe zaŋdy qamtidy. Soǧan säikes endı basqa zaŋdardy da özgertu mäselesı tuyndap tūr, – dedı Erbol Sardarbekov.
Aita keteiık, keşe memleket basşysy Qasym-Jomart Toqaev «Memlekettık satyp alu turaly» zaŋǧa qol qoiǧan edı.
Aqorda mälımetınşe, zaŋ satyp alu prosesınıŋ räsımderın oŋtailandyrudy, satyp alynatyn tauarlardyŋ, jūmystar men körsetıletın qyzmetterdıŋ sapasyn jaqsartudy, memlekettık satyp aluǧa qatysuşylardyŋ jauapkerşılıgın küşeitudı jäne bäsekelestıktı damytudy közdeidı.
Zaŋ 2025 jyldyŋ 1 qaŋtarynan bastap qoldanysqa enedı.
Suret: Halyq Uni
