Astana qalasynda Dostyq üiınde QR MAM jäne Qazaqstan halqy Assambleiasynyŋ bastamasymen «Memlekettık tıl – etnosaralyq qatynas tılı» taqyrybynda döŋgelek üstel öttı, dep habarlaidy astana-akshamy.kz/
Is-şaraǧa QHA Töraǧasynyŋ orynbasary –Qazaqstan Respublikasynyŋ Prezidentı Äkımşılıgı QHA Hatşylyǧynyŋ meŋgeruşısı Marat Äzılhanov, Qazaqstan Respublikasy Mädeniet jäne aqparat ministrlıgı Etnosaralyq qatynastardy damytu komitetınıŋ töraǧasy Ǧalym Şoikin, Qazaqstan Respublikasy Parlamentınıŋ deputattary, qoǧam qairatkerlerı men ziialy qauym ökılderı, filologiia jäne lingvistika salasyndaǧy sarapşylar, tıltanuşylar, memlekettık tıldı erkın meŋgergen türlı etnos ökılderı, sondai-aq Qazaqstan halqy Assambleiasy men «Assambleia jastary» RQB ökıldıkterınıŋ müşelerı qatysty.
Jiynǧa qatysuşylar Memleket basşysynyŋ Qazaqstan halqy Assambleiasynyŋ XXXIII sessiiasynda bergen memlekettık tıldı jan-jaqty damytu jönındegı tapsyrmasyn ıske asyru, sondai-aq memlekettık tıldı nasihattau jäne onyŋ märtebesın arttyru turaly söz ettı.
«Eldegı tūraqtylyq pen tatulyq – baǧa jetpes bailyǧymyz. El bırlıgınıŋ negızı tıl bırlıgınen bastau alady. Bügın bız memlekettık tıldıŋ etnosaralyq qatynas tılıne ainaluy üşın qandai naqty qadamdar jasau kerek, tıldı jetık meŋgerudıŋ ozyq täjıribelerın köpşılıkke qalai taratamyz degen sūraqtarǧa jauap ızdep, talqylau üşın jinaldyq», – dedı Ǧalym Şoikin.
Aita ketu kerek, döŋgelek üstel aiasynda oqytu seminary ūiymdastyryldy. Onda elımızdıŋ barlyq öŋırınen qazaq tılın erkın meŋgergen türlı etnos ökılderı özderınıŋ tıl üirenu täjıribesın bölısıp, memlekettık tıldıŋ qoldanylu aiasyn keŋeitu boiynşa ūsynystaryn ortaǧa saldy, sondai-aq memlekettık tıldıŋ etnosaralyq qarym-qatynas tılı retındegı rölın küşeitu ädısterın talqylady.
Seminarda tanymal media tūlǧalar men filologiia salasyndaǧy sarapşylar täjıribelerın bölıstı.
