Türkıstanda 2006 jylǧy tūrǧyn memlekettık rämızderdı qorlaǧany üşın jauapqa tartyldy, dep habarlaidy astana-akshamy.kz
Biyl 14 säuırınde jıgıt Türkıstan qalasynyŋ ortalyq köşesımen kölık jürgızıp kele jatyp, telefonyna ılınıp tūrǧan memlekettık tudy kamerasyna tüsırıp alǧan.
Kelesı künı ol roliktı TikTok-ta jariialaǧan.
Atap aitqanda, ol Qazaqstan Respublikasynyŋ tuyn «şüberek» dep ataǧan.
Video ūnatpaǧandar köp bolǧan. Pıkır bıldıruşıler de memlekettık rämızge degen mūndai közqarasqa narazylyq bıldırgen.
Köp ūzamai avtor jazbasyn öşırıp tastaǧan, bıraq keibır qoldanuşylar polisiia men prokuraturaǧa aryz tüsırgen.
Osydan soŋ būl fakt boiynşa tergeu bastalyp, jıgıttıŋ jeke basy anyqtalyp, ūstaldy. Onyŋ üstınen Qylmystyq kodekstıŋ 372-baby boiynşa qylmystyq ıs qozǧaldy.
Roliktıŋ mazmūnyn taldaǧan psihologiialyq-filologiialyq saraptamadan avtordyŋ sözınen Qazaqstannyŋ memlekettık rämızın qorlaǧany anyqtaldy.
Sotta jas jıgıt öz kınäsın tolyq moiyndap, ökınıp, keşırım sūrady. Tergeuden jinalǧan materialdar negızınde onyŋ kınäsı däleldendı.
Sot ükımımen ol bır jyl bas bostandyǧyn şekteu jazasyna jäne jüz saǧatqa mäjbürlı jūmysqa tartyldy. Ükım älı zaŋdy küşıne engen joq.
