Elordada Memleket basşysynyŋ tapsyrmalary aiasynda ötken jyldyŋ küzınde ıske qosylǧan «Menıŋ bauyrym» auqymdy volonterlık jobasy jüzege asyp jatyr, dep habarlaidy astana-akshamy.kz
Oǧan Astananyŋ 11 joǧary oqu ornynyŋ erıktı studentterı qatysady. Joba turaly «Örken» balalardyŋ äl-auqatynyŋ Ūlttyq ǧylymi-praktikalyq instituty» KEAQ prezidentı Esenǧazy İmanǧaliev aityp berdı.
2023 jylǧy 17 qaraşada Memleket basşysy Qasym-Jomart Toqaevtyŋ tapsyrmasy aiasynda Oqu-aǧartu ministrı Ǧani Beisembaev pen Ǧylym jäne joǧary bılım ministrı Saiasat Nūrbek «Menıŋ bauyrym» volonterlık jobasyn ıske asyru turaly kelısımge qol qoidy. Jobanyŋ maqsaty – balalardyŋ qūqyǧyn qorǧau, mektepterde salauatty jäne qauıpsız bılım beru ortasyn qalyptastyruǧa järdemdesu.
«Menıŋ bauyrym» jobasyna pedagogika, psihologiia äleumettık jūmys, qūqyqtanu, IT mamandyqtary boiynşa oqityn 11 elordalyq joǧary oqu ornynyŋ erıktı studentterı qatysady. Jobany ıske asyruda ädıstemelık qoldaudy «Örken» balalardyŋ äl-auqatynyŋ Ūlttyq ǧylymi-praktikalyq instituty jüzege asyrady. Bızdıŋ mamandar 850 erıktı student pen 2380 qala mektepterınıŋ pedagogtaryna arnalǧan oqytu treningterın ötkızdı, olar mektepterde volonterlık bastamalardy tiımdı jüzege asyruǧa kömektestı», – dedı spiker.
Erıktıler jüzege asyrǧan jobalar mädeniet, sport, bılım beru, salauatty ömır salty jäne bullingke qarsy ıs-qimyl, qūqyq būzuşylyqtyŋ aldyn alu, qūqyqtyq tärbie, IT sauattylyq jäne t.b. siiaqty oquşylar ömırınıŋ ärtürlı salalaryn qamtidy.
«Menıŋ bauyrym» erıktılerınıŋ jobalary balalardyŋ jaǧymdy ädetterı men daǧdylaryn qalyptastyruǧa, olardyŋ fizikalyq jäne psihologiialyq densaulyǧyn saqtauǧa yqpal etedı, dep atap öttı ūiymdastyruşylar.
Aqpan-säuır ailarynda 97 elordalyq mektepten 10 myŋnan astam oquşy volonterlık jobalarmen qamtyldy.
Erıktı studentter «Qūqyqtyq jalpyǧa bırdei oqytu», «Toqta bulling», «Salauatty tamaqtanu mektebı» siiaqty jobalardy jüzege asyrdy. Olar sondai-aq ludomaniianyŋ aldyn alu, mektep oquşylaryna motivasiia jäne psihologiialyq kömek körsetu boiynşa treningter, komandany basqaru, şeşımder qabyldau jäne janjaldardy şeşu, köşbasşylyq pen kommunikativtık daǧdylardy damytu boiynşa praktikalyq sabaqtar ötkızdı.
Oquşylar üşın «Jasandy intellekt älemıne kırıspe: Qazırgı älemdegı jasandy intellekttıŋ barlyq mümkındıkterı men qauıpterın talqylau» jäne t.b. taqyrypta konsultasiialar ūiymdastyryldy.
«Jobanyŋ maŋyzdylyǧy onyŋ tälımgerlık mädenietın qalyptastyru, joǧary oqu oryndarynyŋ studentterı men mektep oquşylaryn mekteptegı bılım beru ortasyn, oquşylardyŋ äleumettık-emosionaldyq jaǧdaiyn jaqsartuǧa yqpal etetın ideialarmen bırlesıp jūmys ısteu üşın bırıktıru qabıletınde jatyr. Sonymen qatar, joba studentterdıŋ äleumettık jauapkerşılıgın arttyruǧa yqpal etedı jäne olarǧa bolaşaq mamandar retınde praktikalyq daǧdylar beredı», – dep qorytyndylady Esenǧazy İmanǧaliev.
