Täuelsızdık künı qarsaŋynda elordadaǧy «Janūia» otbasy institutyn qoldau ortalyǧynda «Täuelsızdık – el baqyty» atty merekelık ıs-şara ūiymdastyryldy.
Jiynǧa ortalyq süiemeldeuındegı köpbalaly, tolyq emes, jaǧdaiy tömen, mügedektıgı bar bala tärbielep otyrǧan otbasylar şaqyryldy. Is-şara jeke tūlǧanyŋ azamattyq qasietın, Otanǧa degen süiıspenşılıktı arttyruǧa, patriottyq sezımge tärbieleuge baǧyttaldy.
– «Janūia» ortalyǧynyŋ jūmysy «bır tereze» qaǧidaty boiynşa jüzege asady. Ortalyq mamandary äleumettık jaǧdaiy tömen otbasylardy äleumettık baǧdarlamalar turaly aqparattandyrady, qajettı qūjattardy daiyndauǧa kömektesedı. Bügıngı taŋda «Janūia» ortalyǧy balaly otbasylardy jeke-baǧdarly süiemeldeudı qamtamasyz etedı. Būǧan psihologiialyq bılım beru, qūqyqtyq, äleumettık, medisinalyq jäne mädeni sipattaǧy ıs-şaralar kıredı. Jyl basynan berı qala boiynşa 295 otbasy ortalyqtyŋ äleumettık süiemeldeuıne alyndy, – dedı öz sözınde «Janūia» otbasy institutyn qoldau ortalyǧy Saryarqa audany boiynşa otbasylardy äleumettık süiemeldeu bölımınıŋ basşysy Aigül Bolathan.
Atalmyş ortalyqtyŋ qyzmetıne jügıngenderdıŋ bırı – qala tūrǧyny Marjangül Nūrlybaeva.
– «Janūia» otbasy instituty ortalyǧy turaly men tanystarym arqyly bıldım. Şyny kerek, mūndai ortalyq turaly habarsyz edım. Biyl jazda tırkeldım, bügınde köp kömegı tiıp jatyr. Otbasymyzǧa azyq-tülık sebetı berıldı. Endıgı kezekte kömır berılmek. Qyzym 9-synypta oqidy. Daun sindromyna şaldyqqan. Balamnyŋ oquyna qajettı kerek-jaraqtar da tabystaldy, – deidı elorda tūrǧyny.
Merekelık ıs-şara barysynda ömırlık qiyn jaǧdaiǧa tap bolǧan otbasylarǧa kiım-keşek pen azyq-tülık satyp aluǧa arnalǧan sertifikat tabystaldy.
