Meiırımı men jan jyluy arqyly nauqastyŋ keselınen aiyǧuyna ülken yqpal etetın jandardyŋ bırı kışı medisina qyzmetkerlerı ekenı belgılı. Densaulyq saqtau salasyndaǧy qyzmettıŋ basym bölıgın jauapkerşılıkpen atqaratyn osyndai täjıribelı mamannyŋ bırı – Astana qalasyndaǧy №11 emhananyŋ meiırgerı Gülnär Beisenova.
Ol – Türkıstan oblysynyŋ tumasy. Kentau qalalyq medisina uchilişesın oidaǧydai tämamdaǧannan keiın osyndaǧy ortalyq auruhananyŋ akuşerlık bölımınde 10 jyldan astam uaqyt eŋbek etıp, täjıribe jinaqtady. Oŋtüstık Qazaqstanda tuyp-össe de, köpşılıkke arman bolǧan aru qala – Astanaǧa aŋsary auyp, bolaşaǧyn elımızdıŋ bas şaharymen bailanystyru maqsatynda 2000 jyly osynda qonys audardy. Aqyry elordada ömırlık serıgın jolyqtyryp, tūrmys qūryp, balaly-şaǧaly bolady. Mıne, sodan berı şirek ǧasyrǧa juyq uaqyt astananyŋ medisina salasyn damytuǧa atsalysyp keledı.
Mūnda da qarap otyrmady, mamandyǧy boiynşa jūmysqa ornalasyp, aldymen onkologiia ortalyǧynda, keiın köpbeiındı №2 oblystyq auruhanada meiırger, bas medbike qyzmetın atqardy. Bügınde №11 qalalyq emhanada eŋbek etıp, eŋbekqorlyǧy men mamandyǧyna degen qaltqysyz qūrmetınıŋ, tabandylyǧy men tyndyrymdylyǧynyŋ arqasynda özıne berılgen aimaq tūrǧyndarynyŋ ıltipatyna bölenıp jür. Osy jolda aianbai ter tögıp, özınıŋ sanaly ǧūmyryn adamdarǧa kömek qolyn sozudan şarşamaityn meiırbike qyzmetıne arnaǧan jandy emhanaǧa keluşıler de erekşe qūrmet tūtady. Äsırese ony egde kısıler airyqşa kütedı. Sebebı Gülnär Aiqynbaiqyzy jūmysyna jai ǧana mındet dep qaramai, olarǧa jyly sözı men meiırımın aiamaidy.
Jalpy meiırbike – nauqasqa eŋ jaqyn ärı qamqorşy adam, öitkenı nauqasty därıgerden būryn kütıp alyp, şyǧaryp salatyn da özı. Sondyqtan meiırbikenıŋ öz mamandyǧyna degen süiıspenşılıgı, aldyna kelgen nauqasqa janaşyrlyq tanytuy bärınen maŋyzdy. Būl rette täjıribelı meiırbike Gülnär Beisenova köpke ülgı.
