Taǧdyrdyŋ qatal synaǧyna moiymai, ömırdıŋ qiyndyqtaryna qaisarlyqpen tötep beru köp adamnyŋ qolynan kele bermeidı. Maŋdaiǧa salǧanǧa tözıp, özı basynan auyr jaǧdaidy ötkerse de, özgenıŋ jany men tänınıŋ jarasyn emdeitın jandar sirek te bolsa bar. Solardyŋ bırı – №9 qalalyq emhananyŋ balalar hirurgı, travmatolog, ortoped, 32 jyldyq täjıribesı bar joǧary därejelı därıger Talǧat Jūrtūbaev.
Äskeri boryşyn ötegen jyly auyr jaraqattan keiın mügedek bolyp qalǧan keiıpkerımızge därıgerler «Otyryp ısteitın jūmys tabu kerek» deidı. Alaida ol öz armanynan bas tartpauǧa bekınıp, jaqsylap daiyndalyp, 1986 jyly Semei memlekettık medisinalyq institutyna oquǧa tüsıp, hirurg, travmatolog mamandyǧyn alyp şyǧady. 1992 jyly Arqalyqqa joldamamen jıberılgen jas maman 7 jyldai sol jaqta hirurg bolyp eŋbek etedı. Torǧai oblysy jabylǧannan keiın 1999 jyly Astanaǧa kelıp, №1 qalalyq balalar auruhanasynda, Respublikalyq «Jas ūlan» mektebınde jūmys ısteidı. 2000 jyly belgılı travmatolog Nūrlan Batpenov ony medisinalyq akademiiaǧa şaqyryp, sonda äskeri kafedrada aldymen aǧa oqytuşy, keiın dekannyŋ orynbasary qyzmetterın atqarady. Ǧylymi eŋbekpen de ainalysyp, kandidattyq eŋbegın qorǧaimyn dep jürgende jūbaiy qaitys bolady. Söitıp, bärın qoiyp, ekı ūlyn jetıldırem dep jūmysqa dendep kırısedı. Özıne erekşe kütım kerek bolsa da amalsyz balalaryn aiaqtan tūrǧyzǧanşa tynym tappaidy. Künı-tünı jūmys ıstep, el saulyǧy jolynda tabandy eŋbek etedı. Qazırgı jūbaiymen bırge ūldaryn ösırıp, üilendırıp, nemereler süiıp otyr. 2017 jyldan berı №9 emhanada qyzmetın jalǧastyryp keledı. Bügınde elımızde mümkındıgı şekteulı bolsa da jūmys ıstep jatqan jalǧyz balalar hirurgı, travmatology tek özı ǧana.
– Ärine, adam mūndai joldy özı taŋdamaidy, ony maqtanyş körmeimın, tek taǧdyr saldy, men köndım. Künıne är qabyldauda 20-40 adamǧa deiın qabyldap, aiaq-qoly, iyǧy, tobyǧy şyqqan, synǧan, sıŋırı sozylǧan, küiıp qalǧan 18 jasqa deiıngı balalar men jasöspırımderdı emdeimın. Qazır elorda qysy qaharyna mınıp, aiaz ben mūztaiǧaqtan qūlaǧan, bır jerge soǧylǧan nemese sporttyq jarystarda jaraqat alǧan jastar köp kelıp jatyr. Hirurg, travmatolog, ortoped jäne kombustiolog salalary boiynşa jinaǧan san jyldyq zor täjıribemnıŋ arqasynda öz jūmysymdy künde taŋerteŋgı saǧat 8.00-den tüskı 14.00-ge deiın qiyndyqsyz atqaramyn, – deidı keiıpkerımız.
Eŋbek jolynda san türlı jaraqatpen kelgen ülkennıŋ de, kışınıŋ de janyna daua bolyp, käsıbi sauatty maman retınde dūrys em-domyn jasady. Sonyŋ arqasynda köptegen nauqastar qoly-aiaǧy sau adam qataryna qaita qosylyp, därıgerdıŋ şarapatyna bölendı. Talai şäkırtter tärbielep, özı meŋgergen salany keiıngı jastardyŋ tolyq igeruıne, sapaly maman boluyna yqpal ettı. Elımız ben elordanyŋ densaulyq salasyn damytuǧa qosqan ūşan-teŋız eŋbegı üşın Talǧat Jūrtūbaev memleket tarapynan köptegen marapattarǧa ie boldy. Atap aitqanda, ol «Densaulyq saqtau ısıne qosqan ülesı üşın», «Altyn därıger», «Astanaǧa 10 jyl» tösbelgılerımen marapattalǧan. Jaǧdaiyna bailanysty elordadan üş bölmelı üi de berılgen. Jan-jaqty belsendı jan jūmystan bos uaqytta voleiboldan paralimpiialyq oiyndarǧa qatysyp, ardagerler arasynda sport şeberı atanǧan. Öz jūmysyn jetık bıletın maman eŋ bastysy, halyqtyŋ aq batasyn alyp, emdep jazǧan pasientterınıŋ alǧysyna kenelgen sätın eŋ baqytty kezderım dep sanaidy.
