«Qorşaǧan ortaǧa bei-jai qaramaiyq!» degen ūranmen qalyŋ qar basqan bulvarlar men jaiau jürgınşıler jolyn aq ūlpadan tazartuǧa öner adamdary da atsalysty.
«Būl kommunaldyq qyzmetkerlerge aitarlyqtai kömek boldy» deidı ūiymdastyruşylar. Is-şaraǧa 100-den astam öner adamy qatysty. Qalalyq Mädeniet basqarmasy aksiiany dästürlı türde ötkızbek.
– Soŋǧy künderı Astanada qalyŋ qar jauyp, aua raiy avtokölıktermen bırge jaiau jürgınşılerge qiyndyq tudyrdy. Būl rette uaqytpen sanaspai jūmys ıstep jürgen kommunaldyq sala qyzmetkerlerıne köp-köp raqmet! Olar negızgı köşeler men adam köp jüretın jerlerdı tazartyp jatyr. Bız de osy ıske az da bolsa ülesımızdı qosaiyq dep qolymyzǧa kürek aldyq. Mädeniet salasynyŋ adamdary ǧana emes, Astana qalasynyŋ jastary da jalǧyzılıktı egde kısıler men erekşe kütımdı qajet etetın jandardyŋ üiınıŋ aulasyn tazartyp, qyzmet etıp jatyr. Jaqsy ıs jalǧasa beredı, – dedı akter Asylhan Tölepov.
