Bas qalada Qazaqstannyŋ halyq ärtısı, Memlekettık syilyqtyŋ laureaty Nūrjamal Üsenbaevanyŋ şyǧarmaşylyǧyna arnalǧan I halyqaralyq vokaldyq öner baiqauy öttı. Aituly öner dodasyna älemnıŋ tükpır-tükpırınen talantty jastar baǧyn synauǧa keldı. Baiqaudy Astana qalasy äkımdıgınıŋ qoldauymen Erkeǧali Rahmadiev atyndaǧy memlekettık akademiialyq filarmoniia ūiymdastyrdy.
Jahandanu däuırınde zamanaui otandyq mädeniettı ılgerıletu, ūlttyq vokaldyq mekteptıŋ dästürlerın saqtau, damytu jäne arttyrudy maqsat etken baiqauǧa 20-35 jas aralyǧyndaǧy älemnıŋ kez kelgen elınıŋ käsıbi vokalmen än aitatyn önerpazdar qatysty.
Talantty jastardyŋ jolyn aşatyn baiqau jeŋımpazdary opera teatrlarynda öner körsetıp, ülken sahnada alǧaşqy qadamyn jasaidy, jeke oryndauşylyq erekşelıgın, muzykalyq jäne ärtıstık qabıletın şyŋdauǧa mümkındık alady. Baiqaudyŋ qazylar alqasy älemdık klassikadaǧy käsıbilıgı joǧary jäne körnektı sahna şeberlerınen qūralǧan.
Baiqau kezeŋderı E.Rahmadiev atyndaǧy memlekettık akademiialyq filarmoniianyŋ kameralyq jäne konsert zaldarynda öttı. Öner dodasy aiasynda qazylar alqasy müşelerınıŋ şeberlık sabaqtary josparlanǧan.
Nūrjamal Üsenbaevanyŋ I halyqaralyq vokaldyq öner baiqauy 2024 jylǧy 4 mausymda jeŋımpazdar men qazylar alqasy qatysatyn saltanatty Gala-konsertpen aiaqtaldy. Baiqaudyŋ jalpy jülde qory 13 200 000 teŋge bolsa, onyŋ ışınde Gran-pri jüldesı 5 million teŋgenı qūrady.
Myŋnan jüirık şyqqan jeŋımpazdar – baiqaudyŋ laureattary men diplomanttary «Astana Opera» memlekettık opera jäne balet teatrynyŋ arnaiy syilyǧyna ie boldy, iaǧni üzdık tanylǧandar K.Baiseiıtova atyndaǧy kameralyq zaldyŋ sahnasynda 2024 jylǧy 5 mausymda ülken sahnada öner körsetedı.
