Ötken tünde kommunaldyq qyzmet mamandary qaladan şamamen 41 myŋ tekşe metr qar şyǧardy. Olar täulık boiy bırneşe auysymda jūmys ıstep jatyr, dep habarlaidy astana-akshamy.kz.
23 aqpan künı taŋerteŋ qar tazalau jūmysyna 1,4 myŋ bırlık arnaiy tehnika jäne 2,3 myŋnan astam jol jūmysşy jūmyldyryldy.
22 aqpannan 23 aqpanǧa qaraǧan tünı elordadan 41 myŋ tekşe metr qar şyǧaryldy, poligondarǧa 3 myŋnan astam reis jasaldy.
Qys mezgılınıŋ basynan bastap 372,5 myŋ reis arqyly qaladan 5 mln tekşe metrden astam qar şyǧaryldy.
Qala tūrǧyndarynyŋ qauıpsızdıgı üşın joldarǧa, trotuarlar men köşelerge qūm-tūz qospasy sebıledı. Sonymen qatar, kommunaldyq qyzmetter trotuarlardy mūzdan qolmen tazartady.
«Qazgidromet» sinoptikterınıŋ mälımetınşe, 23 aqpan künı elordada aua raiy jauyn-şaşynsyz bolyp, köşpelı būlt şyǧady. Soltüstık-şyǧystan soqqan jeldıŋ jyldamdyǧy – 2-7 m/s. Aua temperaturasy tünde – 26-28, kündız – 15-17 gradus aiaz.
