Elordadaǧy Almaty audanynyŋ Belsendı ūzaq ömır süru ortalyǧynda Ūlttyq qūryltai müşesı, Ūlttyq ǧylym akademiiasynyŋ akademigı, Astana qalasy Qoǧamdyq keŋesınıŋ müşesı Kärımbek Qūrmanälievpen kezdesu öttı.
Jiynda III Ūlttyq qūryltai otyrysynda Memleket basşysy Qasym-Jomart Toqaev kötergen el aǧalarynyŋ auyzbırşılıgı jäne ūrpaqqa önegelı boluy kerektıgı turaly bastamalary söz boldy.
Belsendı ūzaq ömır süru ortalyǧynyŋ qyzmet aluşylary, eŋbek ardagerlerı qatysqan kezdesude Astana qalasy äkımdıgı Belsendı ūzaq ömır süru ortalyǧynyŋ direktory Mūhtar Erketaev, Almaty audandyq Ardagerler keŋesınıŋ töraǧasy Marat Mūstafin söz söiledı.
«Atyrauda ötken Ūlttyq qūryltaida köterılgen jalpyūlttyq qūndylyqtardy ūlyqtau, ūlt bolyp ūiysyp, jūrt bolyp jūmylyp, jastarǧa önegelı jol körsetude ziialy qauym ökılderıne, el aǧalaryna artylar jauapkerşılık airyqşa. Memleket basşysy Qasym-Jomart Toqaevtyŋ: «Yntymaǧy jarasqan, ortaq maqsatqa ūiysqan ūlt eşqaşan ūtylmaidy. Eldıŋ tūtastyǧy ziialy qauymnyŋ bırlıgınen bastalady. El aǧalary auyzbırşıl jäne ūrpaqqa önegelı boluy kerek» degen edı. Qazaq halqy, jalpy, qai kezde de aldyndaǧy el aǧalaryna, aqsaqaldarǧa qarap boi da, oi da tüzegen. Ahmet Baitūrsynūly babamyzdyŋ: «Aldymen el aǧalary, sender qatelespeŋder. Sender qatelesseŋder, soŋdaryŋnan ergen el qatelesedı» degen. Jaŋa Qazaqstannyŋ jaŋa tūrpatty jastaryna berer taǧylymǧa toly tärbiede tıl saiasatyn, sapaly kadr şyǧarudy negızge alu qajet. Ǧylym men bılımdı ekınşı orynǧa qoiǧan memleket eşuaqytta köş bastamaidy» dedı öz sözınde akademik K.Qūrmanäliev.
Kezdesuge qatysuşylar Ūlttyq qūryltaida köterılgen kökeitestı mäselelerdı ıske asyrudyŋ tiımdı joldaryn talqylaǧan jiynnyŋ maŋyzyn basa aityp, qoǧamdaǧy özektı mäseleler boiynşa sūraqtaryn da qoidy. Solardyŋ qatarynda elordalyq mūǧalım Äliia Aitjanova ana tılı mäselesıne qatysty qoǧamdyq oryndarda kezdesetın qatelıkterge toqtaldy.
«Jaŋarǧan Qazaqstan nätijelerı bır künde şyǧarylmaidy, oǧan bırşama uaqyt qajet. Būl tūsta, sözsız, aldyŋǧy buyn jastarǧa dūrys baǧyt-baǧdar beru kerek. Bıraq keide qazırgı jastarǧa qarnyŋ aşady. Körşı Özbekstanda aqsaqaldardy japatarmaǧai qūrmettep jatsa, bızde qarapaiym qoǧamdyq kölıkte oryn beretın jas buyn az ekenı şyndyq. Osy tūsta bala tärbiesıne köŋıl bölgen maŋyzdy. Eŋ basty mäsele, bügınde Ardagerler turaly zaŋdy tiımdı ıske asyru qajetı tuyp otyr. Eŋbek ardagerlerınıŋ zeinetaqysyn mümkındıgınşe ösırıp, paidasyn tigızu kerek» dedı Almaty audandyq Ardagerler keŋesınıŋ töraǧasy Marat Mūstafin.
Astana qalasy äkımdıgı Belsendı ūzaq ömır süru ortalyǧynyŋ direktory Mūhtar Erketaev jaŋa zamanǧa el aǧalarynyŋ özderı de sai bolyp, «Adal adam – Adal eŋbek – Adal tabys» qaǧidatyn ūstanyp, jaŋa qūndylyqtar bastauyna eŋ aldymen adal azamattardy qoiyp, adal eŋbek etıp, adal tabys tabuǧa şaqyrdy.
