Astanada Olimpiada oiyndarynyŋ chempiony, Qazaqstannyŋ eŋbek sıŋırgen sport şeberı Baqtiiar Artaevtyŋ jüldesı jasöspırımder arasyndaǧy halyqaralyq turnir märesıne jettı. Jarysta Qazaqstannyŋ barlyq oblysynan, Astana, Almaty jäne Şymkent qalalarynan, sondai-aq Özbekstan, Täjıkstan jäne Qyrǧyzstannan kelgen boksşylar arasynda jeŋımpazdar anyqtaldy.
«Beeline Arena» sport keşenınde kerılgen şarşy alaŋda 2008-2009 jyldary tuǧan jasöspırımder bäsekege tüstı. Alǧaş ret ūiymdastyrylǧan jarysty tamaşalauǧa Olimpiada oiyndary men älem chempionattarynyŋ jeŋımpazdary men jüldegerlerı Serık Säpiev, Daniiar Eleusınov, Vasilii Levit, Serık Eleuov, Merei Aqşalov, Bırjan Jaqyp, Aibek, Nūrbek Oralbai, Dulat Bekbauov syndy ataqty boksşylar qatysyp, Baqtiiar Artaevtyŋ jarysyna qoldau bıldırdı.
Jarys jeŋımpazdary men jüldegerlerın Astana qalasy mäslihatynyŋ töraǧasy Erlan Kanalimov, Astana qalasy Dene şynyqtyru jäne sport basqarmasynyŋ basşysy Vasilii Levit, Qazaqstan boks federasiiasynyŋ vise-prezidentı Aziz Qojambetov jäne basqa da mamandar marapattap, jeŋısımen qūttyqtady.
Jarystan keiın Baqtiiar Artaev turnirdı qorytyndylap, öz oiymen bölıstı.
«Olimpiada oiyndarynyŋ bırneşe dürkın chempionyn şyǧaru üşın 15-16 jastaǧy jasöspırımderge qazırden köŋıl bölu kerek. Osy maqsat menıŋ bıraz uaqyttan oiymda jür edı. Endı, mıne, osy ideiamnyŋ alǧaşqy qadamy jasalyp otyr. Alǧaşqy turnirge tek Ortalyq Aziia elderınen ǧana komandalar şaqyryldy. Aldaǧy uaqytta qatysuşy elder sanyn arttyru qajet dep sanaimyn. Sondai-aq jülde qoryn da köbeitudı oilastyramyz. Jalpy jasöspırımder arasyndaǧy jarys bolǧanmen, qatysuşylardyŋ jeŋıske degen jıgerı, tehnikasy eresekterden kem tüspeidı. Äsırese jeŋıl salmaqtaǧy boksşylarǧa dän riza boldym» dedı Baqtiiar Artaev.
Halyqaralyq jarysta bır salmaqta ǧana Özbekstan boksşysy jeŋımpaz atandy, qalǧan salmaqtyŋ bärınde Qazaqstan jasöspırımderı top jardy. Al Astana qalasynyŋ boksşylary 1 altyn (Erasyl Maratov, 44 kelı), 1 kümıs (Sanjar Seiıthamit, 80 kelı), 3 qola (İkram Musaev, Muhammad İsmaiyl, Amir Alimjanov) oljalap, jalpy esepte 5-orynnan körındı. Sondai-aq elordalyq Erasyl Maratov «Turnirdıŋ üzdık boksşysy» syilyǧyn ielense, Sanjar Seiıthamitke «Jeŋıske degen jıgerı üşın» syilyǧy berıldı.
Olimpiada oiyndarynyŋ chempiony, Vel Barker kubogynyŋ iegerı, Qazaqstannyŋ eŋbek sıŋırgen sport şeberı Baqtiiar Artaevtyŋ jüldesı üşın ötken bırınşı jarystyŋ negızgı ūiymdastyruşysy – Astana qalasy äkımdıgınıŋ «№3 Olimpiada rezervınıŋ mamandandyrylǧan balalar men jasöspırımder sport mektebı» KMM men demeuşıler aituly jarysty dästürlı türde ötkızudı josparlap otyr.
