Ükımet otyrysynda äleumettık blok mäselelerıne toqtalǧan Oljas Bektenov eŋ aldymen MÄMS jüiesın reformalau qajettıgıne nazar audardy, dep habarlaidy astana-akshamy.kz.
«MÄMS jüiesı eleulı qaita formattaudy qajet etedı dep sanaimyn. Qarajatty tiımsız jūmsau men artyq jalǧan tırkeuler bola tūra ony qarjylandyrudy ūlǧaituǧa jol berılmeidı. Sala tolyq sifrlandyru men aşyqtyqty talap etedı», — dedı Premer-Ministr.
Otyrys barysynda Ükımet basşysy sifrlyq transformasiiany jürgızu, kölık jäne auyl şaruaşylyǧy salalaryn damytu, «Jaily mektep» jäne «Auyldyq densaulyq saqtaudy jaŋǧyrtu» ūlttyq jobalaryn ıske asyru, sondai-aq azamattardy äleumettık qoldau, memlekettık satyp alu jäne memlekettık-jekeşelık ärıptestık tetıkterın reformalau jönınde naqty tapsyrmalar berdı.
«Bız batyl äreket etetın Ükımet bolamyz. Bızge ösu qarqynyn tiımdı ūlǧaitu, ekonomikany ärtaraptandyrudy belsendırek jürgızu, investisiia tartu jäne barlyq mındetterdı şeşu üşın jetkılıktı ökılettıkter berıldı», — dep atap öttı Oljas Bektenov.
Onyŋ aituynşa, formalizm men biurokratiialyq sarsaŋǧa saludy tolyǧymen joia otyryp, stereotipterden arylu qajet.
«Ministrler öz betınşe şeşım qabyldai bıluge tiıs, salalyq mäselelerdı öz deŋgeiınde şeşulerı qajet. Jūmys qarqyny joǧary, talap qataŋ bolatynyn ärkım tüsınuı tiıs», — dep qorytyndylady sözın Premer-Ministr.
