“Qarasora” respublikalyq jedel-profilaktikalyq ıs-şarasy qūramynda esırtkı bar ösımdıkter ösetın kezde ötkızıledı. Bırınşı mausymnan berı poliseiler küşeitılgen rejimde qyzmet atqaryp jatyr. Olar jabaiy qarasora ösetın jerlerdı, otyrǧyzylǧan plantasiialardy anyqtaidy. Būl ıs-şaralarǧa IIM, Ūlttyq ūlan, Qorǧanys ministrlıgınıŋ arnaiy bölınısterı jūmyldyrylǧan, dep habarlaidy astana-akshamy.kz. Polisia.kz saityna sılteme jasap.
Zaŋsyz esırtkı plantasiialary şalǧai jerlerde ösırıletının eskere otyryp, olardy anyqtau maqsatynda “Qazaqstan Ǧaryş Sapary” AQ mümkındıkterı paidalanylady.
– Qūqyq qorǧau organdarynyŋ kannabis tobyndaǧy esırtkıge degen mūndai nazary jalpy audany 63 myŋ ga qūraityn Şu alqabymen ǧana bailanysty emes. Qazırgı uaqytta basqa da oŋtüstık oblystarda kriminalitet ökılderı önerkäsıptık auqymda ündı qarasorasyn ösıruge tyrysuda. Mūndai qarasora bolaşaqta ırgeles memleketterge tasymaldanuy mümkın. Sondyqtan ūşu apparattarynyŋ kömegımen de, jaiau patrulderdıŋ kömegımen de şalǧaidaǧy aumaqtarǧa barlau jürgızıp jatyrmyz, – dedı IIM esırtkı qylmysyna qarsy ıs-qimyl departamentınıŋ bastyǧy Qajyǧali İmajanov.
“Qarasora” jedel-profilaktikalyq şarasyn ötkızudıŋ 10 künınde respublika aumaǧynda 45 esırtkı qylmysy anyqtaldy. Onyŋ ışınde 8 esırtkı ötkızu faktısı, 9 asa ırı mölşerde saqtau faktısı, qūramynda esırtkı bar ösımdıkterdı ösırudı ūiymdastyrudyŋ 18 jaǧdaiy, 9 kontrabanda faktısı jäne esırtkını zaŋsyz nasihattaudyŋ bır faktısı bar. Zaŋsyz ainalymnan 114 kg esırtkı tärkılendı. Onyŋ 6 kelıden astamy sintetika. Jaqynda ǧana Jetısu oblysynda 30 jastaǧy jergılıktı tūrǧyn ūstaldy. Onyŋ jazǧy as üiınde divannyŋ astynan qyzmettık it bes paket gaşiş tapty.
Tärkılengen esırtkınıŋ jalpy salmaǧy 4,5 kg qūrady. Petropavlda avtokölıktı josparly tekseru kezınde qala tūrǧyny ūstaldy, onyŋ kölıgınde 2 kelıden astam gaşiş pen travmatikalyq tapanşa tärkılendı. “Qarasora” arnaiy operasiiasy jalǧasyp jatyr. QR IIM
