El tynysy
«Ortalyq Aziia + Japoniia»
![](https://astana-akshamy.kz/wp-content/uploads/2024/05/cdb2012e14ff0a71b175e1bb19b625f7_1280x720-780x470.jpg)
Bügın Astana qalasynda «Ortalyq Aziia + Japoniia» dialogynyŋ Aǧa lauazymdy tūlǧalarynyŋ 16-şy otyrysy ötedı, dep habarlaidy astana-akshamy.kz
Ol turaly keşe SIM Resmi ökılı Aibek Smadiiarov dästürlı brifing kezınde habarlaǧan bolatyn.
«Ortalyq Aziia + Japoniia» dialogynyŋ Aǧa lauazymdy tūlǧalarynyŋ kezektı otyrysyna Syrtqy ıster ministrınıŋ orynbasary Älıbek Baqaev töraǧalyq etpek. Is-şaraǧa Ortalyq Aziia elderı men Japoniia syrtqy saiasi vedomstvolarynyŋ basşylyǧy qatysady.
Is-şaraǧa qatysuşylar biylǧy jazda Astanada ötetın «Ortalyq Aziia + Japoniia» dialogynyŋ aldaǧy bırınşı sammitıne daiyndyq barysyn talqylaudy josparlap otyr.
«Ortalyq Aziia + Japoniia» dialogy – 2004 jyly Ortalyq Aziia elderımen tyǧyz qarym-qatynasty nyǧaitu men keŋeitu boiynşa küş-jıgerdı ūlǧaita tüsu jäne aimaqtyq yntymaqtastyqty damytu maqsatynda Japoniianyŋ bastamasymen qūrylǧan yntymaqtastyqtyŋ jaŋa pışını. Bügınde OAJÜ öŋırdıŋ ortaq saiasi, ekonomikalyq, sonymen qosa, qauıpsızdık mäselelerın talqyǧa salatyn maŋyzdy alaŋǧa ainaldy.