Astana qalalyq Işkı saiasat basqarmasynyŋ qoldauymen «Jeltoqsan-1986: jastar patriotizmı – täuelsızdık kepılı» atty döŋgelek üstel öttı. «Culture and Art Association» jeke käsıpkerlıgı ūiymdastyrǧan ıs-şaraǧa jeltoqsandyq ardagerler, mäslihat deputattary, tarih mamandary men studentter qatysty.
Professor, jeltoqsanşy Jangeldı Şymşyqov jiyndy aşyp, qatysuşylar aldymen osy oqiǧa kezınde qaza bolǧandardy bır minut ünsızdıkpen eske aldy. Tıl mamany, qoǧam qairatkerı Bolat Tölepbergenūly «Jeltoqsan-1986: ūlt täuelsızdıgınıŋ basy, keŋes imperiiasy zūlymdyǧynyŋ körınısı» taqyrybynda, Jangeldı Şymşyqov «Qazaqstandaǧy 1986 jylǧy Jeltoqsan köterılısınıŋ sebepterı men saldary» taqyrybynda baiandama jasady. Al jeltoqsanşy Qūrmanǧazy Rahmetov «Naǧyz jeltoqsan» qoǧamdyq qorynyŋ jūmysy jaily aityp berdı.
– Astana qalasy äkımdıgı qanşama jyldan berı köterıp jürgen mäselelerımızdı bır uaqytta şeşıp, jyldyq jospar jasady. Iаǧni tek qaraşa men jeltoqsan aiynda ǧana emes, jyl boiy jastarǧa tärbielık mänı bar ıs-şaralar ötkızuımızdı qoldady. Sol üşın äkım orynbasary Eset Baikenge, Işkı saiasat basqarmasynyŋ basşysy Nūrdäulet Älmūhanovqa alǧysymyz şeksız, – dedı Qūrmanǧazy Rahmetov.
Onyŋ aituynşa, qala äkımdıgı «Naǧyz jeltoqsan» QQ-men bırlesıp ıs-şaralardy daiyndau jäne ötkızu jospary bekıtılgen. Sol josparǧa sai, biyl jeltoqsan aiynan bastap, aldaǧy jylda da, Jeltoqsan oqiǧasyna qatysuşylardyŋ bastamaşyl toptarymen kezdesuler ötkızu, elorda audandary äkımdıkterınen jeltoqsanşylardy alǧys hatpen marapattau mäselesın qarastyru, qalanyŋ barlyq bılım beru ūiymynda «Jeltoqsan-1986: azattyq ruhy jäne otanşyldyq qūndylyǧy» atty stendter räsımdeu, bırqatar jeltoqsanşyǧa üi alyp beru mäselesın şeşu közdelıp otyr. Sondai-aq Jeltoqsan oqiǧasyna qatysuşylar turaly derektı filmder tüsırıp, medisinalyq tekseruden ötu üşın emhanalardyŋ bırınde olardy bekıtu mäselesı qarastyrylady. Türlı resmi merekede olarmen kezdesu ötkızıp, döŋgelek üstelder, basqa da maŋyzdy ıs-şaralar ūiymdastyru atalǧan josparda bekıtılgen.
