Bügın Astanada ötken brifingte sarapşylar Äielder qūqyǧy men balalar qauıpsızdıgın qamtamasyz etu mäselelerı boiynşa jaŋa zaŋnyŋ erejelerın egjei-tegjeilı tüsındırdı. Atalmyş qūjat 16 mausymda küşıne enedı, dep habarlaidy astana-akshamy.kz.
Äielder qūqyǧy men balalar qauıpsızdıgın qamtamasyz etu mäselelerı boiynşa zaŋnyŋ qabyldanuy – otbasy institutyn nyǧaitu men tūrmystyq zorlyq-zombylyqtyŋ aldyn aludaǧy maŋyzdy qadam. Bügıngı taŋda elımızde türlı ömırlık jaǧdailardy şeşude otbasylarǧa keşendı kömek körsetu üşın 68 ortalyq jūmys ısteidı. 2025-2027 jyldary OQO sanyn 200-ge deiın jetkızu josparlanuda. Būl turaly OKQ brifingınde QR MAM Jastar jäne otbasy ısterı komitetı töraǧasynyŋ orynbasary Naila Mūhtarova mälımdedı.
Ortalyqtar halyqty äleumettık qorǧau jäne jūmyspen qamtu mäselelerı jönındegı jergılıktı atqaruşy organdardyŋ janynan audandarda jäne qalalarda qūrylatyn bolady.
«Mädeniet jäne aqparat ministrlıgı zaŋnamalyq deŋgeide otbasy saiasaty salasyndaǧy uäkılettı organǧa ainaldy. Ömırlık qiyn jaǧdaiǧa tap bolǧan adamdardy qoldau maqsatynda, ortalyqtar ötınış bıldırgenderdıŋ jaǧdaiyn keşendı baǧalap, sondai-aq otbasyǧa järdem körsetudıŋ jeke josparyn jasaidy jäne jürgızedı. Otbasyǧa järdem körsetu jüiesınıŋ negızı –mamandy bır otbasyna bekıtu. Būl otbasyǧa kömek pen qoldaudyŋ barlyq baǧytynda järdem körsetuge, basqa mamandardyŋ jūmysyn üilestıruge mümkındık beredı. Keis-menedjmenttegı vedomstvoaralyq özara bailanys jüiesı negızgı rölderdıŋ bırın atqaratyn bolady», – dep atap öttı Naila Mūhtarova.
Ortalyqtardyŋ kömegıne jügınu üşın, qazaqstandyqtar özderı jeke, «111» bailanys ortalyǧyna, äleumettık jelıler, MO aqparattyq jüieler, sondai-aq KÄJ jäne alqaly organdar arqyly jügıne alady.
Ortalyqtar qyzmetınıŋ tiımdılıgın arttyru üşın, otbasylyq sifrly karta platformasyna jäne otbasylarǧa kömek körsetu üşın FSM mobildı qosymşasyna qosylu arqyly biznes-prosesterdı oŋtailandyru josparlanuda.
Eŋbek jäne halyqty äleumettık qorǧau jäne Sifrlyq damu ministrlıkterımen bırlesıp Ortalyq qyzmetkerlerı üşın, avtomattandyrylǧan jūmys oryndaryn äzırleu jūmysy jürgızılude.
