«Oiular jyrlaidy»
Astanadaǧy №91 mektep-gimnaziiasynda etno-lager aiasynda «Oiular jyrlaidy» atty etnofestival öttı, dep habarlaidy astana-akshamy.kz
Is-şaraǧa qaladaǧy özge mekteptegı lagerlerden balalar qatysty.
«Jaz bastalǧaly berı balalarǧa salt-dästürdı, nasihattap, olardyŋ boiyna eljandylyqty qalpyptastyryp kelemız. Mūndaǧy maqsat – olardyŋ boiyna ūlttyq qūndylyqty sıŋıru jäne tereŋırek tüsındıru. Bügıngı festivalge 1-8-synyp aralyǧyndaǧy oquşylar qatysyp jatyr. Jalpy balalardyŋ qyzyǧuşylyǧy öte jaqsy», – dedı №91 mektep-gimnaziiasynyŋ mūǧalımı Gülşat Eleukenova.
Mūnda arnaiy kiız üi qūrylǧan. Al ışı erekşe bezendırılıp, qajettı zattar qoiylǧan. «Babalar amanaty» tarihi-mädeni qoǧamdyq qorynyŋ aq kimeşektı äjelerı qūraq körpe tıgıp, ūrşyq iırdı.
Al syrtta balalar toǧyzqūmalaq oinap, auyldaǧydai läŋgı teuıp, asyq atty.
«Maǧan jazǧy etnolager ūnaidy. Sebebı mūnda qazaqtyŋ salt-dästürımen, ūlttyq oiyndarmen tanysamyz. Äjeler men tärbieşıler bızge qolönermen ainalysuǧa üiretedı. Sondai-aq olar oiulardyŋ türlerımen tanystyryp, qūraq körpe tıgudı körsettı», – deidı №91 mektep-gimnaiziasynyŋ 6-synyp oquşysy Aişa Gastello.
Biyl jazǧy demalystyŋ barlyq türımen 1-10 synyptardyŋ 200 myŋnan astam oquşysy qamtylatynyn atap ötken jön.