Pedagog tapşylyǧy tuyndai ma?

Bügıngı taŋda elordanyŋ bılım beru jüiesınde kadr tapşylyǧy sezılude. Orta bılım beru salasynda 90-ǧa juyq pedagog, 60-tan astam äleumettık bılım beru jüiesınde 120 maman jetıspeidı. Astana qalasy mäslihaty äleumettık-mädeni damu mäselelerı jönındegı tūraqty komissiianyŋ otyrysynda bılım beru salasynda sūranysqa ie kadrlardy daiarlau qajetın zerdeleu üşın eŋbek naryǧyn taldau, sondai-aq osy sala naryǧyn damytu perspektivalary talqylandy. Kadrlardyŋ jetıspeuşılıgı mäselesın şeşudıŋ joly retınde pedagogika mamandyqtary boiynşa grant sanyn köbeitıp, jūmysqa ornalastyru közdelıp otyr.

– Qazırgı kezde elordada elımızdegı barlyq baǧyt boiynşa mamandar daiarlaityn pedagogika instituty joq ekenın bırneşe ret atap öttım. Astanada käsıbi kadrlardy daiarlau­dy «Astana International University» bazasynda memlekettık-jekemenşık ärıptestık jobasy boiynşa jūmys ısteitın pedagogika kolledjı jüzege asyrady. Būl turaly şeşımdı elordalyq mäslihat deputattary qoldady. 2026 jylǧa qarai AIU pedagogika kolledjın pedagogika institutyna tolyq transformasiialau josparlanuda. Būl baǧytta jeke investor belsendı jūmys ısteude, – dedı Astana qalasy mäslihatynyŋ töraǧasy Erlan Kanalimov.

Elordadaǧy demografiia ösımı bılım aluǧa degen sūranysty arttyra tüstı. Sol sebeptı el astanasyndaǧy bılım beru jüiesınde kadr tapşylyǧyn boldyrmau – özektı mäsele. Halyq qalaulylarynyŋ ötkır mäselege ün qatuy da zaŋdy. Bolaşaq pedagogtardy daiarlau ısı qalalyq Bılım basqarmasynyŋ baqylauynda bolady

Mäslihat otyrysynda qalalyq Bılım beru basqarmasynyŋ basşysy Qasymhan Senǧazyev bılım beru salasynda sūranysqa ie kadrlardy daiarlau qajetın zerdeleu üşın eŋbek naryǧyn taldau, bılım beru qyzmetı naryǧyn damytu perspektivalary turaly baiandama jasady.

– Qazırgı uaqytta elordanyŋ bılım beru salasynda 21 myŋnan astam pedagog, onyŋ ışınde memlekettık jalpy bılım beretın mektepterde 12 myŋnan astam maman jūmys ısteidı. Ūlttyq bılım beru derekter bazasynyŋ mälımetı boiynşa bügıngı taŋda pedagogtarǧa degen qajettılık 91 adamdy qūraidy. Qajettılık orys tılınde oqytatyn bastauyş synyp mūǧalımderı (22), matematika (27), informatika (18), tarih (3), orys tılı men ädebietı (7), fizika (9), himiia (5) pedagogtaryna tuyndap otyr. Sonymen qatar arnaiy bılım beru ūiymdaryndaǧy arnaiy pedagogtarǧa (61), mektepke deiıngı bılım beru ūiymdarynyŋ tärbieşılerıne (120) qajettılık bar, – dedı Qasymhan Senǧazyūly öz baiandamasynda.

Basqarma basşysynyŋ aituynşa, Astanada 2029 jylǧa deiın 80 mektep paidalanuǧa berıledı, onyŋ ışınde «Jaily mektep» ūlttyq jobasy aiasynda 24 mektep esıgın aiqara aşpaq. Elordada jyl sa­iynǧy bala ösımı 20 myŋǧa jettı. Boljamdy derekter boiynşa 2027 jyly elorda oquşylarynyŋ kontingentı 330 myŋnan astam balany qūrasa, pedagogtarǧa qajettılık 3 myŋnan asady.

Oryn tapşylyǧy mäselesın şeşu maqsatynda 2018 jyldan bastap qala äkımdıgı jyl saiyn pedagogika mamandyqtaryna Astana qalasy äkımınıŋ grantyn bölude. Būl grant elordanyŋ 3 joǧary oqu ornynda – L.Gumilev atyndaǧy Euraziia ūlttyq universitetı, Euraziia gumanitarlyq universitetı, Astana halyqaralyq universitetı – 2029 jylǧa deiın 7536 orynǧa memlekettık bılım beru tapsyrysyn beru belgılenıp otyr.

Bügınde joǧary oqu oryndarynda 3 myŋnan astam student bılım aluda. 2024 jyly 1286 tülek (RB grant – 442, JAO grant – 370, aqyly – 474) pedagogika mamandyǧy boiynşa oquyn aiaqtaidy.

Biyl 63,1 paiyz, iaǧni 812 tülektı Astana qalasynyŋ bılım beru ūiymdaryna jūmysqa ornalastyru josparlanuda (pedagogika jäne psihologiia – 9, bastauyş synypty oqytu ädıstemesı – 21, informatika – 9, biologiia – 18, himiia – 18, geografiia – 5, fizika – 3, matematika – 22, tarih – 4, şet tılı – 222, orys tılı men ädebietı – 33).

Kadrlyq äleuettı damytudy jüzege asyru üşın joǧary oqu oryndarymen memorandum jasalyp, kä­sıptık baǧdar beru jolǧa qoiylǧan.

«Bolaşaq mamandyqqa qadam» jobasy boiynşa biyl 20 mektep 7 baǧytta (pedagogika, IT, tehnika, säulet, tehnologiia, injeneriia, auyl şarua­şylyǧy) jūmys jasauda, 50 pedagogika synyby aşyldy. Joba boiynşa oqyǧan 36 tülek pedagogika baǧytyndaǧy mamandyqqa oquǧa tüstı.

Sonymen qatar tehnikalyq jäne käsıptık bılım beru ūiymdarynda pedagogika mamandyqtary boiynşa memlekettık bılım grantymen studentter oqyp jatyr. Olardyŋ sany – 1566 student.

2027 jyly grant bo­iynşa oquyn tämamdaǧan 5248 jasty jūmysqa ornalastyru josparlanuda. Memlekettık bılım beru tapsyrysynan basqa, 2024-2028 jyldarǧa arnalǧan nysanaly grant bölınedı (bastauyş synyp – 100, tärbieşı – 500).

Kadr tapşylyǧyn boldyrmau maqsatynda gumanitarlyq kolledj memlekettık-jekemenşık ärıptestık aiasynda «Astana» halyqaralyq universitetıne üzdıksız bılım beru, iaǧni joǧary bılım beru jüiesın qūru maqsatynda berıldı.

2024 jylǧy qyrküiekten bastap Abai atyndaǧy Qazaq ūlttyq pedagogika universitetı men L.Gumilev atyndaǧy Euraziia ūlttyq universitetı 11 bırlesken bılım beru baǧdarlamasyn ıske qosady. Aldaǧy uaqytta 300 grant bölu josparlanǧan.

Elordadaǧy demografiia ösımı bılım aluǧa degen sūranysty arttyra tüstı. Sol sebeptı el astanasyndaǧy bılım beru jüiesınde kadr tapşylyǧyn boldyrmau – özektı mäsele. Halyq qalaulylarynyŋ ötkır mäselege ün qatuy da zaŋdy. Bolaşaq pedagogtardy daiarlau ısı qalalyq Bılım basqarmasynyŋ baqy­lauynda bolady.