Qazaqstan Respublikasy polisiia künıne orai Patruldık polisiia polkı “Menıŋ – äkem polisei” chelendjın ötkızdı, dep habarlaidy astana-akshamy.kz.
Būl chelendjde polisiia qatarynda qyzmet atqaratyn qyzmetkerlerdıŋ ösıp kele jatqan ūl-qyzdary özderınıŋ ata-analarynyŋ polisiia qatarynda qyzmet atqaratynyn maqtan etedı.
1992 jyly 23 mausymda Qazaqstan Respublikasy Joǧarǧy Keŋesı «Qazaqstan Respublikasy ışkı ıster organdary turaly» Zaŋdy qabyldaǧan bolatyn.
Būl Täuelsız Qazaqstan Respublikasy polisiiasynyŋ qyzmetı men mındetın anyqtaityn alǧaşqy qūqyqtyq akt boldy.
Qazaqstan polisiiasy – qoǧamdaǧy qūqyqtyq tärtıptı, azamattardyŋ qauıpsızdıgın qamtamasyz etetın elımızdegı asa maŋyzdy qūrylymdardyŋ bırı. Poliseilerdıŋ käsıbi bılıktılıgı men sertıne berıktıgınıŋ arqasynda qoǧamda tūraqtylyq qalyptasyp, adamdardyŋ qūqyq qorǧau organdaryna senımı arta beredı.
Qazaqstan polisiiasy künı – osy jauapty qyzmettı jolǧa qoiudyŋ basy-qasynda bolǧan ardagerlerge jäne bügınde osy qatarda eŋbek etıp jürgenderge rizaşylyq pen alǧys sezımın bıldıru künı.
