Fransiianyŋ halyqaralyq geosaiasatqa arnalǧan L`Essentiel des relations internationales basylymynda Memlekettık keŋesşı Erlan Qarinnıŋ «Qazaqstannyŋ jasampaz kün tärtıbı» dep atalatyn maqalasy jariialandy.
Erlan Qarin maqalasynda ötken jyldyŋ ışındegı Qazaqstan damuynyŋ keibır qorytyndylaryn aitady.
«Prezident Qasym-Jomart Toqaev Qazaqstandy tübegeilı jaŋǧyrtudy közdeitın baǧytty mültıksız jürgızıp keledı. 2023 jyl da erekşe boldy jäne ol Qazaqstan üşın reformalar aiasynda ötıp barady. Saiasattaǧy jäne ekonomikadaǧy prezidenttık reformalardyŋ logikasy olardyŋ üilesımdılıgıne negızdelgen. Är reforma, jaŋa bastama bırın-bırı tolyqtyratyn jüielı sipatqa ie. Jäne de prezidenttık baǧyttyŋ barlyq baǧdary – saiasat, ekonomika jäne ideologiia – bükılı bırge eldı jaŋǧyrtudyŋ bıregei baǧdarlamasyn qūraidy. Reforma prosesınıŋ maŋyzdy erekşelıgı – qoǧamnyŋ reforma baǧytyn qoldauy sanalady. Būǧan «Halyq ünıne qūlaq asatyn memleket» tūjyrymdamasy septıgın tigızedı. Ony Qasym-Jomart Toqaev sonau 2019 jyly, özınıŋ prezidenttıgı bastalǧan kezeŋde qalyptastyrǧan bolatyn. Basty ūstanym el damuynyŋ barlyq negızgı mäselelerınde qoǧamdyq pıkırdı eskere otyryp, teŋgerımdı, şoǧyrlandyrylǧan şeşım qabyldauǧa negızdelgen. Būl dialog jäne ymyra arqyly bilık pen qoǧamnyŋ özara ıs-qimylynyŋ jaŋa modelın qalyptastyrdy» dep atap ötedı Memlekettık keŋesşısı Erlan Qarin.
