Bügın Memleket basşysy Qasym-Jomart Toqaev Ükımettıŋ keŋeitılgen otyrysynda söilegen sözınde elımızde medisinalyq kömektıŋ bıryŋǧai toptamasyn qalyptastyru qajettıgın atap aitty, dep habarlaidy astana-akshamy.kz
«Medisinalyq kömektıŋ bıryŋǧai toptamasyn qalyptastyru qajet. Memleket kepıldık beretın medisinalyq qyzmet onyŋ bazalyq bölıgı boluǧa tiıs. Kelesı bölıgı jūmys beruşıler men azamattardyŋ jarnalarynan qūralatyn saqtandyru qarajaty esebınen jasaqtaluy kerek. Jergılıktı atqaruşy organdardyŋ jauapkerşılıgın arttyrǧan jön. Äleumettık jaǧynan osal toptaǧy keibır azamattar üşın medisinalyq saqtandyru jüiesıne audarylatyn tölemder jergılıktı biudjetten bölınuge tiıs. Sonymen qatar, medisina infraqūrylymyn damytu – öte maŋyzdy mındet. «Auylda densaulyq saqtaudy jaŋǧyrtu» ūlttyq jobasy boiynşa 655 nysan salu josparlanǧan edı. Is jüzınde onyŋ tek 85-ı aşylǧan. Mūnyŋ bärı jūmystyŋ tiımsız jürgızılıp jatqanyn körsetedı. Jobalyq-smetalyq qūjattar tym baiau äzırlendı, qūrylys ūzaqqa sozyldy nemese nysandardyŋ qūny qymbattap kettı degen sebepter aitylyp jür. Mūnyŋ qai-qaisysy da – qūr syltau. Basqa sebebı joq dep oilaimyn. Qajet bolsa, ministr de, äkım de kez kelgen mäselenı şūǧyl şeşe alady. Demek, sondai niet bolmai tūr degen söz» , dedı Memleket basşysy.
Sondai-aq ol «Jaily mektep» ūlttyq jobasymen jaŋa formattaǧy 369 mektep salu josparlanǧanyn jetkızdı. «Mūnda tehnikalyq qūjattar der kezınde äzırlenbegen, jer de uaqytyly bölınbegen. Oǧan qosa, otandyq öndıruşılerdıŋ köbı jaŋa mektepterdıŋ qūrylysyna qatysa almaitynyn aityp, şaǧymdanyp jür. Ükımetke, äkımderge jäne «Samūryq-Qazyna» qoryna ūlttyq jobalardy jüzege asyruǧa kedergı bolyp jatqan barlyq mäselenı dereu şeşudı tapsyramyn», – dedı Prezident sözınde.
