Ūlttyq muzeide «Otbasy hrestomatiiasy» qoǧamdyq qorynyŋ avtorlary Sanjar Kerımbai men Ädılbek Näbi bırlesıp jazǧan «Özbekälı jäne mädeni maidan» tarihi-reprezentasiialyq kıtabynyŋ tanystyrylymy öttı. Belgılı jurnalist Zeiın Älıpbek jürgızgen ıs-şaraǧa Parlament jäne mäslihattardyŋ deputattary, mädeniet jäne öner, bılım jäne ǧylym qairatkerlerı, ziialy qauym ökılderı, kıtap keiıpkerı Özbekälı Jänıbekovtıŋ tuystary, közın körgen zamandastary men serıkterı qatysty.
Kıtap körnektı memleket qairatkerı Özbekälı Jänıbekovtıŋ ömırı men qyzmetı, ūlt mädenietı men ruhaniiatyn örkendetu jolyndaǧy eren eŋbegı turaly syr şertedı. Is-şara barysynda «Qazaqstan mäslihattary deputattarynyŋ bırlestıgı» RQB töraǧasy Töleubek Mūqaşev Senat töraǧasy Mäulen Äşımbaevtyŋ qūttyqtau hatyn oqyp berdı.
«Özbekälı aǧamyz qai qyzmette jürse de, ūltymyzdyŋ tarihyn, töltuma mädenietın, salt-dästürın, tılın jaŋǧyrtuǧa jäne qorǧauǧa zor eŋbek sıŋırdı. Alaş ruhy qalyqtaǧan Torǧai öŋırın qaita tületuge küş saldy. Alaş arystaryn aqtau ısıne tıkelei aralasty. Köne jädıgerlerımızdı jinaqtau arqyly ūltymyzdyŋ mädeni äleuetın jarqyrata körsetuge sübelı üles qosty. Kıtap memleket qairatkerınıŋ osy atalǧan jäne özge de eŋbekterın jan-jaqty zerdeleu arqyly Özbekälı Jänıbekovtıŋ azamattyq-saiasi tūlǧasyn jaqsy aşa bılgen. Būl jinaq jalpy oqyrman, onyŋ ışınde öskeleŋ ūrpaq üşın ülgılı baǧdar bolady dep senemız» delıngen qūttyqtau hatta.
Sonymen qatar tanystyrylymǧa qatysqan Astana qalasy äkımınıŋ orynbasary Eset Baiken qala basşysy Jeŋıs Qasymbektıŋ qūttyqtauyn jetkızdı.
Kıtap lentasyn Parlamentı Mäjılısınıŋ deputaty Qazybek İsa, Qazaqstan Respublikasy Prezidentınıŋ janyndaǧy memlekettık basqaru akademiiasy Basqaru institutynyŋ direktory, Astana qalasy Qoǧamdyq keŋesınıŋ töraǧasy Zulfuhar Ǧaiypov bastaǧan azamattar kestı. «Özbekälı Jänıbekov atyndaǧy mädeniettı, tarihty jäne etnografiiany qoldau» qoǧamdyq qorynyŋ ökılı, kıtap keiıpkerınıŋ ūly Nietjan Özbekälıūly kıtap avtorlaryna alǧys aitty.
Kıtapta Özbekälı Jänıbekovtıŋ qazaq tarihy men mädenietın jaŋǧyrtuǧa, ūlttyŋ bai mūrasyn keleşek ūrpaqqa jetkızuge sıŋırgen orasan eŋbegı, keŋestık-kommunistık jüiege qaramastan Alaş ziialylarynyŋ aqtaluyna, Nauryz merekesınıŋ qaita toilanuyna, Taiqazannyŋ elge qaitaryluyna, Qoja Ahmet Iаsaui kesenesınıŋ qalpyna keltırıluıne bastamaşy bolǧany, qazaq tılın damytu baǧdarlamasynyŋ memlekettık tūjyrymdamasyn jasauǧa qatysqany, eldegı köptegen muzeiler men teatrlardyŋ, mädeniet oşaqtarynyŋ aşyluyna üles qosqany qamtyldy.
Avtorlar Atyrau, Qostanai, Arqalyq, Astana, Semei, Şymkent, Pavlodar qalalary men sol öŋırlerge ekspedisiia ūiymdastyryp, qairatkerdıŋ közın körgen, onymen qyzmettes bolǧan adamdarmen jolyǧyp, sūhbattasty. Sonysymen būryn-coŋdy beimälım bolǧan derekter engızdı. Kıtapta keŋestık kezeŋdegı qazaq halqynyŋ eldık sanasynyŋ ösuı men bostandyqqa ūmtylystaryna saraptama jürgızılgen. Baiandalǧan oqiǧalardyŋ tanymdyq-patriottyq tūrǧyda da maŋyzy zor.
Jiynda kıtap avtorlary Sanjar Kerımbai men Ädılbek Nəbi bıregei ūlt qairatkerlerı Temırbek Jürgenov pen Iliias Omarov turaly da kıtap jazudy josparlar otyrǧandaryn aitty. Tanystyrylym barysynda Ūlttyq muzeidegı Özbekälı Jänıbekov tūtynǧan zattarynan jädıgerler körmesı ūiymdastyryldy, «Saryarqa» halyq muzyka ansamblı än-küimen körkemdedı.
