Keşe Astana qalasy mäslihatynyŋ kezektı sessiiasynda elordada memlekettık-jekemenşık ärıptestık jobalaryn ıske asyru barysyna jauapty jergılıktı atqaruşy organnyŋ esebı tyŋdaldy. Būl mäsele boiynşa qala äkımınıŋ orynbasary Evgenii Glotov baiandama jasady. Sondai-aq jiynǧa qala basşysynyŋ taǧy bır orynbasary Eset Baiken qatysty.
– Bügıngı taŋda Astana qalasynyŋ äkımdıgı memlekettık-jekemenşık ärıptestık jobalary turaly 14 kelısımşartty ıske asyruda. Sonyŋ ışınde 10 memlekettık-jekemenşık ärıptestık jobasynyŋ kelısımşarty boiynşa qabyldanǧan memlekettık mındettemeler oryndaluda. Aǧymdaǧy jyldyŋ 1 mausymyndaǧy jaǧdai boiynşa mındettemelerdıŋ oryndaluy 65 paiyzdy qūrady. Qazırgı uaqytta ıske asyrylyp jatqan jobalar öz tiımdılıgın körsetıp otyr. Onyŋ ışınde mektep jäne mektepke deiıngı mekemelerdıŋ tapşylyǧyn azaitu, investisiia tartu, biudjet tüsımderın arttyru, jaŋa jūmys oryndaryn qūru siiaqty nätijeler bar, – dedı Evgeniii Glotov.
Onyŋ aituynşa, ıske asyrylyp jatqan jobalar kelısımşartynyŋ negızgı ülesı äleumettık salaǧa tiesılı, iaǧni qoldanystaǧy 14 kelısımşarttyŋ 73 paiyzy nemese 10 kelısımşart äleumettık salada jasalǧan.
Qoldanystaǧy jobalarǧa toqtalǧan qala äkımınıŋ orynbasary bılım beru salasynda 8 memlekettık-jekemenşık ärıptestık kelısımşarty jasalǧanyn atap öttı. Atap aitqanda, 2017 jyly Bılım basqarmasy men «Büldırşın-2012» JŞS arasynda 20 jyl merzımıne 360 oryndyq balabaqşa saluǧa bırınşı memlekettık-jekemenşık ärıptestık kelısımşarty jasaldy. Bügıngı künı jeke serıktestıkke investisiialyq şyǧyndardy öteu türındegı barlyq qabyldanǧan mındettemeler tolyq kölemde oryndaldy. 2023 jyly nysan kommunaldyq menşıkke berıldı. Qazırgı taŋda 360 orynǧa memlekettık bılım beru tapsyrysy ornalastyrylǧan.
– Gumanitarlyq kolledjdı senımdı basqaruǧa beru turaly memlekettık-jekemenşık ärıptestık turaly kelısımşart 2019 jyly Bılım basqarmasy men «Astana» halyqaralyq universitetı arasynda memlekettık mındettemelerdı qabyldausyz 6 jyl merzımıne jasaldy. Jobany ıske asyru kolledjdı senımdı basqaruǧa berudı, sondai-aq jaŋa oqu ǧimaratyn qūru arqyly joǧary bılım beru üşın gumanitarlyq-pedagogikalyq akademiiany qūrudy közdeidı. Qazırgı uaqytta joba jeke serıktestık memlekettık-jekemenşık ärıptestık nysandaryn paidalanuǧa beru bölıgınde ıske asyryluda, – dedı Evgenii Glotov.
Elordada memlekettık-jekemenşık ärıptestık jobalaryn ıske asyru aiasynda 2021 jyldan berı jobalyq quattylyǧy auysymyna 2 myŋ oquşyǧa arnalǧan 6 Binom mektebı aşylyp, jūmys ıstep jatqanyn aitqan baiandamaşy būl qysqa merzımde tapşylyqty 24 myŋ oquşyǧa qysqartuǧa mümkındık bergenın, oquşylar osy mektepterge arnaiy ırıkteusız qabyldanatynyn atap öttı. Onyŋ aituynşa, Binom mektepterı qysqa merzımde belgılı bır jetıstıkterge jettı. Atalmyş mektepter türlı olimpiadalardyŋ, şyǧarmaşylyq, sporttyq, intellektualdyq jarystardyŋ jäne respublikalyq deŋgeidegı baiqaulardyŋ 271 jeŋımpazyn, qalalyq deŋgeidegı 714 jeŋımpazdy jäne 15 halyqaralyq därejedegı jeŋımpazdardy daiyndady.
– Densaulyq saqtau salasynda 2019 jyldan berı memlekettık-jekemenşık ärıptestık şeŋberınde efferenttı terapiia jäne gemotüzetu ortalyǧy öz qyzmetın jüzege asyrady. Memlekettık-jekemenşık ärıptestık kelısımşarty 7 jyl merzımıne jasaldy. Memlekettık qoldau şarasy – №1 köpsalaly qalalyq auruhanada audany 910 şarşy metr orynjai beru. Joba aiasynda bügıngı künı medisinalyq ortalyqta kelısımşart jasalǧan sätten bastap 70 myŋnan astam gemodializ prosedurasy jasaldy, – dedı qala äkımınıŋ orynbasary.
Ekologiia salasyndaǧy memlekettık-jekemenşık ärıptestık jobalaryna toqtalǧan baiandamaşy qūramynda synaby bar qauıptı qaldyqtardy zalalsyzdandyru boiynşa qyzmetterdı körsetu üşın 2023 jyly kelısımşart 10 jyl merzımıne jasalǧanyn jetkızdı. Mūnyŋ nätijesınde ötken kezeŋde 2,8 mln-nan astam qūramynda synaby bar şamdar synapsyzdandyryldy, 17 mln tekşe metr auanyŋ synap buymen lastanuyna jol berılmedı, vandalizm saldarynan oryn alǧan 1 myŋnan astam qalpyna keltıru jūmystary jürgızıldı.
– Kölık jäne qoǧamdyq qauıpsızdık salasynda ötken jyldyŋ soŋynda Astana qalasynyŋ äkımdıgı «Ecology service» ūiymymen bırlesıp, 7 jyl merzımıne kölıktık qyzmet körsetu boiynşa jaŋa kelısımşart jasady. Joba 100 avtokölıktı paidalanudy qarastyrady. Jaŋa memlekettık-jekemenşık ärıptestık jobasynyŋ erekşelıgı – elektromobilderdı belsendı türde engızu, qala aumaǧynda qala tūrǧyndary paidalana alatyn 30-ǧa juyq elektrzariadtau stansasyn ornalastyru, – dedı Evgenii Glotov.
Onyŋ aituynşa, biyl 2017 jyly jasalǧan «Sergek» foto-beinejazba jäne beinetaldau keşenın qūru jäne paidalanu boiynşa memlekettık-jekemenşık ärıptestık kelısımşartynyŋ merzımı aiaqtalyp jatyr. Bügıngı taŋda jobany ıske asyru aiasynda bırqatar nätijelerge qol jetkızıldı. Atap aitqanda, jol-kölık oqiǧalarynan ölım deŋgeiı 42 paiyzǧa nemese 100 myŋ tūrǧynǧa şaqqanda 2,5 adamǧa tömendedı. Būl älemdegı damyǧan qalalardyŋ deŋgeiıne säikes keledı. Qylmys deŋgeiı 46 paiyzǧa azaidy. «Būl jobanyŋ biudjettık tiımdılıgın rastaidy» dedı baiandamaşy.
– Jolauşy kölıgı jäne avtomobil joldary basqarmasy men «Astananyŋ tūraq keŋıstıgı» serıktestıgı arasynda aqyly tūraq keŋıstıgın qūru esebınen köşe-jol jelısıne jüktemenı tömendetudı qamtamasyz etu, jol qozǧalysy qauıpsızdıgın arttyrudy ūiymdastyru maqsatynda qala aumaǧynda 10 myŋ tūraq ornyn aşudy közdeitın kelısımşartqa 2019 jyly qol qoiyldy. Bügıngı taŋda jeke serıktes 7192 tūraq ornyn ūiymdastyrdy. Būl rette serıktestık şyǧyndaryn biudjetten öteu boiynşa qarjylyq mındettemeler qarastyrylmaidy. Joba boiynşa 20 jyl ışınde 3 tolyq jaŋartu jäne jüieler men infraqūrylymǧa jyl saiyn qyzmet körsetu josparlanǧan. Jobany ıske asyru sätınen bastap tüsken tüsımder 4,7 milliard teŋgeden asty, sonyŋ ışınde aiyppūldardan biudjetke tüsetın tüsımder 4,3 milliard teŋgeden asady. 2023 jyldan bastap jeke serıktestıktegı memlekettıŋ ülesı artyp, 25 paiyzdy qūraitynyn atap ötkım keledı, – dedı Evgenii Glotov.
Memlekettık-jekemenşık ärıptestık aiasynda jüzege asyrylyp jatqan sport salasyndaǧy jobalarǧa toqtalǧan baiandamaşy mümkındıgı şekteulı jandarǧa arnalǧan Paralimpiadalyq jattyǧu ortalyǧy men «Tarlan» mūz arenasynyŋ qyzmetın ūiymdastyru turaly aitty. Kelısımşart «Kaspii» sportty damytu qory» qoǧamdyq qorymen jasalǧan. Jobada ekı sport nysanyn jalǧa beru qarastyrylǧan. Joba 6 jyl boiy sättı ıske asyryluda. «Qazaqstan» sport saraiyn jaŋǧyrtu jäne paidalanu boiynşa memlekettık-jekemenşık ärıptestık kelısımşartynan habar berdı.
Qala äkımınıŋ orynbasary memlekettık-jekemenşık ärıptestık jobalary Astananyŋ infraqūrylymyn damytuda jäne ömır süru sapasyn arttyruda eleulı röl atqaryp otyrǧanyn atap öttı.
«Sergek», Binom mektepterı jäne basqa sättı jobalar – memleket pen biznestıŋ tiımdı yntymaqtastyǧynyŋ jarqyn mysaly. Būl jobalar qala ömırınıŋ ärtürlı salasyna tigızgen oŋ äserın körıp otyrmyz. Būl jetıstıkter memleket pen jeke sektordyŋ bırlesken küş-jıgerınıŋ arqasynda mümkın boldy, – dep tüiındedı sözın qala äkımınıŋ orynbasary.
