Astananyŋ aptalap jauǧan aq ūlpasy qalanyŋ kommunaldyq sala qyzmetınıŋ jūmysyn küşeittı. Bügınde elordada qar küreu ısı qyza tüstı. Joldar arşylyp, aulalar men köşelerdı qardan tazartu kün tärtıbındegı negızgı mäselenıŋ bırıne ainaldy. Osy jūmysqa 1600-den astam arnaiy tehnika men 2500-ge juyq jol jūmysşysy jūmyldyryldy.
Qardyŋ üzdıksız jauuyna bailanysty bas qalanyŋ kommunaldyq qyzmetı täulık boiy küşeitılgen rejimde jūmys ıstep jatyr. Soŋǧy täulıkte şahar aumaǧynan şamamen 50 myŋ tekşe metr qar şyǧaryldy, qar poligonyna jöneltılgen reis sany 3444-ke jettı.
Tüngı auysymda 1500-den astam arnaiy tehnika men 400-ge juyq jol jūmysşysy köşelerdıŋ qaryn küreuge şyqty. Olar trotuarlardy, qoǧamdyq oryndardy, qoǧamdyq kölık aialdamalaryn, jerüstı ötkelderın tazalauda.
Bügıngı taŋda Almaty audanynda joldardaǧy kölık qatynasynyŋ üzılmeuın jäne jol qauıpsızdıgın saqtau maqsatynda arnaiy tehnikalar jūmyldyrylyp, qar tazalau jūmysy qyzu jürgızılude. Būl rette audan äkımdıgı apparaty öndırıs-tehnika bölımınıŋ bas mamany Nūrǧazy Üsen osy baǧytta atqarylyp jatqan jūmysqa toqtaldy.
– Qazırgı taŋda auysymyna 500-den asa arnaiy jabdyqtalǧan tehnika ıske qosyldy, sondai-aq 650-den asa jol tazalauşy qyzmetker jūmyldyrylǧan. Künı keşe auysymda audanymyz boiynşa 15783 tekşe metr jerdıŋ qary poligonǧa jöneltıldı. Qys mezgılı bastalǧaly berı Almaty audany boiynşa 385933 tekşe metr aumaqtan qar şyǧaryldy, – dedı Nūrǧazy Üsen.
Astana aumaǧyndaǧy qar tazartu jūmysy qalanyŋ barlyq 5 audanynda jürgızılıp jatyr. Esıl audanynyŋ aumaǧyn tazartu jūmysy jalǧasuda. Qar tazalaǧyştar jol bölıgındegı qardy kürep, jol qyzmetkerlerı men şaǧyn arnaiy tehnikalar jaiau jürgınşıler jolyn, kölık tūraqtaryn, aulaışılık aumaqtardy tazartudy belsendı jürgızude. Būl baǧytta barlyǧy 327 tehnika, 340 jūmysşy tazalauǧa jūmyldyrylǧan.
Nūra audanynyŋ joldaryn qardan 414 adam men 297 arnaiy tehnika tazartuda. Mūndaǧy mektepterge, auruhanalarǧa aparar joldar men trotuarlardy, köşelerdı, aulalar men üidıŋ ışkı joldarynda tazalau jūmysy qarqyndy jürgızılude.
Saryarqa audany boiynşa qar tazalau jūmysyna 700-den astam jūmysşy jäne 600-den astam kommunaldyq tehnika jūmyldyryldy. Olar aldymen jaiau jürgınşıler jolyn, aialdamalar maŋyn, äleumettık nysandarǧa aparatyn joldar jäne audannyŋ basty köşelerın qardan tazartuda. Qys mausymy bastalǧaly berı audan aumaǧynan 300 tekşe metrden astam qar şyǧaryldy.
Elordada bırneşe jabdyqtalǧan qar poligony jūmys ısteidı. Olar samosval tehnikasynyŋ nömırlık belgılerın oqu jüiesımen jabdyqtalǧan, mūnda beinebaqylau kameralary ornatylyp, jaryqtandyru qosylǧan. Mamandardyŋ mälımdeuınşe, qys mezgılı bastalǧaly berı elordada 1654224 tekşe metr qar şyǧarylǧan. Qar poligonyna jöneltılgen reis sany 121 myŋnan asty.
Mamandar qar tazalau kezınde elordalyqtardyŋ kölıkterın jol boiynda qaldyrmauyn sūraidy. Kölık qūralyn basqarǧanda saqtyq şaralaryn saqtap, abai boluǧa şaqyrady.
Jaiau jürgınşıler trotuarlarmen jürgen kezde saq boluy, belgılengen oryndar arqyly ǧana köşelerden ötuı qajet, sol siiaqty qarttar men balalarǧa kömek körsetkenı jön.
