– Memleket basşysy Qasym-Jomart Toqaevtyŋ «Egemen Qazaqstan» gazetıne bergen sūhbatynan otandastarymyz kökeiınde jürgen san saualyna tūşymdy jauap alyp, özderın tolǧandyrǧan özektı sūraqtardyŋ şeşımın tapty.
Qasym-Jomart Kemelūlynyŋ «Ädılettı Qazaqstan» qūru jolyndaǧy tabandy şeşımderınıŋ arqasynda elımızdegı saiasi reformalar sättı jüzege asyp jatyr. Amanat partiiasynyŋ «Halyqpen bırge» sailaualdy baǧdarlamasyn ıske asyru aiasynda halqymyzdyŋ äl-auqatyn jaqsartu maqsatynda bırqatar mındet aiqyndalyp, būl baǧytta ülken jūmys atqaryluda.
Özım 15 jyldyq täjıribesı bar bank mamany, tūrǧyn üi sarapşysy bolǧandyqtan, sūhbat barysynda erekşe nazar audarǧan özektı mäsele – nesie taqyryby. Memleket basşysy öz sözınde nesiesın tölei almai jürgen otandastarymyzdyŋ qarjylyq sauattylyǧyn köteru qajettıgın basa aitty.
Kündelıktı aldyma san türlı taǧdyr ielerı nebır qiyn jaǧdaimen kelgende, baspanaly bolǧysy keletın el azamattaryna qarjylyq sauattylyq qanşalyqty qajet ekenın aiqyn tüsınesıŋ. Üi alǧysy keletın azamattarymyz baspana alu boiynşa nesie räsımdeiın dese, basqa bankterge qaryzyn uaqytyly ötei almai, boryşkerler tızımınde jür. Azyq-tülık baǧasynyŋ qymbattap ketuınen tamaqty nesiege aluǧa mäjbür qazaqstandyqtardyŋ ömır süru sapasyn arttyru tūrǧysynan qarjylyq sauattylyqty köteru, osy baǧyttaǧy jūmystardy jolǧa qoiu asa maŋyzdy.
Jalpy el azamattarynyŋ öz qaryzyn qinalmai ötep, nesiesın uaqytyly töleuı üşın belgılı bır deŋgeide arnaiy jeŋıldıkter qarastyrylǧanyn qalaimyn. Baspanaly bolǧysy keletın halqymyzdyŋ üidı satyp aluǧa şamasy kele bermeidı. Özınıŋ jeke şaŋyraǧyn armandaityn otandastarymyz ipotekalyq nesiege jügınıp, kömegımızdı asyǧa kütedı. Osy baǧytta el azamattarynyŋ baspanaly boluyna jan-jaqty qoldau körsetılıp, öz üiıne qol jetkızuıne jeŋıldetılgen nesieler qarastyrylsa igı ıs bolar edı. Būl kezekte nesie beru tärtıbınıŋ zaŋdylyǧyna da tiıstı özgerıs engızılıp, är adamnyŋ kündelıktı künkörıs deŋgeiın eseptep, tölem qabıletıne taldau jürgızıp, sol boiynşa nesie räsımdegen dūrys. Sol kezde ǧana nesie beretın bank te, qaryz aluşy boryşker de ūtylmai, nesie uaqytyly öteledı. Qysqasy, qarjylyq sauattylyǧymyz artpai, qarjy töŋıregındegı qordalanǧan mäseleler de oŋ şeşım tappaidy.
Mädina ÄJIKENOVA,
Astana qalasy mäslihatynyŋ deputaty
