Qazaqstanda 226 myŋ etnikalyq nemıs, al Germaniiada Qazaqstannan qonys audarǧan 1 millionǧa juyq nemıs tūrady, dep habarlaidy astana-akshamy.kz
Bügın Astanada Qazaqstan men Germaniia arasyndaǧy mädeni-gumanitarlyq yntymaqtastyqty küşeitu jäne elımızdegı nemıs etnosynyŋ tūrmys-tırşılıgın talqylau maqsatynda Qazaqstan Respublikasynda tūratyn etnikalyq nemısterdıŋ mäselelerı jönındegı Qazaqstan-Germaniia ükımetaralyq komissiiasynyŋ 20-şy otyrysy öttı.
Otyrys qazaq tarapynan Syrtqy ıster ministrınıŋ orynbasary Roman Vasilenko, german tarapynan Bundestag deputaty, Federaldyq ükımettıŋ qonys audaruşylar jäne azşylyq ūlttar ısterı jönındegı ökılettı uäkılı Natali Pavliktıŋ töraǧalyǧymen öttı. Komissiia jūmysyna ekı eldıŋ salalyq ministrlıkterı men ūiymdarynyŋ, sondai-aq «Vozrojdenie» Qazaqstannyŋ nemısterı bırlestıgı» Qoǧamdyq qorynyŋ ökılderı de qatysty.
Is-şaranyŋ kün tärtıbı boiynşa taraptar Qazaqstan men Germaniia arasyndaǧy yntymaqtastyq jäne Qazaqstan nemısterınıŋ mädeni, tıldık jäne ūlttyq bıregeilıgın qoldau şaralary, sondai-aq ǧylym, bılım jäne mädeniet salalaryndaǧy bırlesken jobalardy ıske asyru boiynşa pıkır almasty.
Komissiianyŋ teŋ töraǧalary ÜAK aiasyndaǧy yntymaqtastyqty keŋeituge degen bırlesken ūmtylysty rastap, Qazaqstan men Germaniiany bailanystyratyn «jandy köpırdı» küşeitu üşın bırlesken ıs-qimyldy jalǧastyruǧa uaǧdalasty.
Statistikaǧa süiensek, Qazaqstanda 226 myŋ etnikalyq nemıs, al Germaniiada Qazaqstannan qonys audarǧan 1 millionǧa juyq nemıs tūrady.
R.Vasilenko atap ötkendei, Qazaqstannyŋ köpūltty halqy respublikamyzdyŋ tabysty damuynyŋ maŋyzdy faktorlarynyŋ bırı.
«Tarihtyŋ jazuymen Qazaqstanda köptegen nemıs diasporasy, al Germaniiada qonys audarǧan būrynǧy otandastarymyz tūratynyn aitqan diplomat memleketterımız arasyndaǧy aitarlyqtai qaşyqtyqqa qaramastan qazaq-german bailanystary belsendı nyǧaitylyp, halyqtarymyz bır-bırıne jaqyndai tüskenın jetkızdı», – dedı diplomat.
Ūlty nemıs qazaqstandyqtar elımızdıŋ barlyq salalarynda qyzmet etıp keledı. Astanadaǧy qazaq-nemıs ortalyǧy, Almatydaǧy qazaq-nemıs universitetı, Aqtaudaǧy qazaq-nemıs tūraqty injeneriia instituty, Nemıs drama teatry, «Deutsche Allgemeine Zeitung» gazetı siiaqty qūrylymdardyŋ barlyǧy Qazaqstan men Germaniia arasyndaǧy mädeni-gumanitarlyq bailanysty nyǧaituǧa maŋyzdy üles qosyp keledı.
Osy oraida, qazaq tarapy Germaniia bilıgımen mädeniet, bılım jäne äleumettık salalardaǧy ärıptestıkke erekşe män beredı. Būl öz kezegınde Qazaqstandaǧy etnikalyq nemısterdıŋ jarqyn keleşegıne jäne olardyŋ ekı el arasyndaǧy özara tiımdı yntymaqtastyqqa öz ülesterın qosa alulary üşın mümkındık beredı.
Öz kezegınde N.Pavlik ekıjaqty yntymaqtastyq serpının joǧary baǧalap, Qazaqstan Germaniianyŋ Ortalyq Aziiadaǧy negızgı ärıptesı ekenın atap öttı. German tarapynyŋ teŋ töraǧasy GFR ükımetınıŋ Qazaqstanda tūratyn etnikalyq nemısterge körsetıp kele jatqan qoldauy men bolaşaq josparlary turaly habardar ettı. Onyŋ aituynşa, Qazaqstanda nemıs tılın oqytudy damytu nemıs etnosynyŋ ūlttyq bıregeilıgın saqtauǧa yqpal etıp qana qoimai, bırlesken investisiialyq jobalar üşın käsıbi mamandar daiarlauǧa jaqsy negız bolmaq.
Otyrys qorytyndysy boiynşa ükımetaralyq yntymaqtastyqtyŋ damytudy közdeitın Kommiunikege qol qoiyldy.
