Jelıde qazaq tılındegı eŋ alǧaşqy audiojazba jariialandy. Audiodybys 1904 jyly taspalanǧan, dep habarlaidy astana-akshamy.kz Ortalyq memlekettık kino-fotoqūjattar men dybys jazbalar arhivınıŋ Instagram-daǧy paraqşasyna sılteme jasap.
«Qazaqstannyŋ alǧaşqy audiojazbasy: estuıŋız kerek ötken zamannyŋ dauysy. Bızdıŋ arhivten tyŋdaŋyz!», – deidı arhiv mamandary. Mekeme mälımetınşe, būl – Qazaqstan tarihyndaǧy eŋ eskı audiojazba jäne ol 1904 jyly taspalanǧan. Audiojazbada qazaq jıgıtı 1 sanynan 165-ke deiıngı sandy qazaq tılınde sanap şyǧady. Iаǧni, sanamaq dybystalǧan.
Aita ketelık, Mädeniet jäne aqparat ministrlıgı Arhiv, qūjattama jäne kıtap ısı komitetınıŋ mälımetıne süiensek, 1974 jylǧy aqpanda Qazaq KSR OMA bölımderınıŋ bazasynda Qazaq KSR Ortalyq memlekettık ǧylymi-tehnikalyq qūjattama arhivı jäne Qazaq KSR Ortalyq memlekettık kino-fotoqūjattar men dybys jazbalar arhivı qūryldy. Qazırgı uaqytta Qazaqstan Respublikasynyŋ ortalyq memlekettık arhivı – öz qorlarynda 1 mln 500 myŋnan astam ısı bar elımızdegı eŋ ırı köp salaly arhiv, sondai-aq, keŋes däuırıne deiıngı bıregei qūjattardyŋ respublikadaǧy jalǧyz qoimasy.
foto:https://daboom.ru
