«Astana qalasy äkımdıgınıŋ «Naz» memlekettık bi teatry Saud Arabiiasynyŋ Abha qalasyndaǧy «Qemam Mountain Performing Art Festival 2024» festivalıne qatysady. Atalmyş ıs-şara 18-28 qaŋtar künderı ötedı. Astanalyq öner ūjymy onda «Qazaq jädıgerlerı» baǧdarlamasyn ūsynady.
«Qazaq jädıgerlerı» – qazaq halqynyŋ baǧzy zamandardan berı saqtalyp, ūrpaqtan-
ūrpaqqa jetken ūlttyq qūndylyqtaryn horeografiia tılınde ūsynatyn erekşe formadaǧy qoiylym-konsert. Körermendı bi önerı arqyly ūlttyq mädenietke, estetikaǧa, sūlulyqqa täntı etuge, ūlttyq ruhty köteruge arnalǧan.
Būl baǧdarlama byltyr Astana qalasynyŋ 25 jyldyǧyna orai ūsynyldy. Konsert qazaqtyŋ salt-dästürlerın paş etetın «Tūsaukeser», «Süiınşı», «Sekırtpe», «Qaiym aitys», «Köŋılaşar» syndy erekşe qoiylymdarǧa negızdelgen. Qazaq jıgıtterınıŋ batyrlyǧyn, örlıgın, qaisarlyǧyn beineleitın «Tau ūly» biı – teatrdyŋ üzdık qoiylymdarynyŋ bırı. «Nazbike», «Iŋkär sezım», «Aqqu», «Serpın» bilerı qazaq qyzynyŋ näzıktıgın, sūlulyǧyn körsetedı.
