Astana qalasynda «Jasyl ekonomika» jäne «G-Global» damytu koalisiiasy» zaŋdy tūlǧalar bırlestıgı ükımettık emes ūiymdar, «Atameken» Ūlttyq käsıpkerler palatasy, kvazimemlekettık sektor jäne Eŋbek jäne halyqty äleumettık qorǧau, Ūlttyq ekonomika, Auyl şaruaşylyǧy ministrlıkterı ökılderınıŋ qatysuymen Qazaqstan auyl äielderınıŋ V respublikalyq forumyn ötkızdı, dep habarlaidy astana-akshamy.kz.
Forum şeŋberınde auyldaǧy äielderdı nätijelı jūmyspen qamtamasyz etu, käsıpkerlıktı damytudyŋ tiımdı joldaryn, onyŋ ışınde auyl üşın körsetıletın memlekettık qoldau şaralaryn aiqyndau mäselelerı talqylandy.
Auylda äielder käsıpkerlıgın damytuǧa baǧyttalǧan bırqatar bastamalar qaraldy.
Forumǧa Eŋbek jäne halyqty äleumettık qorǧau ministrlıgınen
Köşı-qon komitetınıŋ töraǧasy Asqarbek Ertaev qatysty.
Öz sözınde ol ötken jyldyŋ bırınşı toqsanymen salystyrǧanda äielder arasynda jalpy jūmyspen qamtu 86,9 myŋ adamǧa, negızınen jaldamaly qyzmetkerler (72,3 myŋ adam) jäne öz betınşe jūmyspen qamtylǧandar
(14,5 myŋ adam) esebınen öskenın atap öttı.
Ekonomikalyq qyzmet türlerı boiynşa äielderdıŋ basym bölıgı bılım beru salasynda – 876,9 myŋ, köterme jäne bölşek sauda salasynda – 853,2 myŋ, densaulyq saqtau salasynda – 413,5 myŋ, orman jäne balyq şaruaşylyǧy salasynda – 389,7 myŋ adam jūmys ısteidı
Äielderdıŋ eŋ az sany – 34,2 myŋ adam sumen jabdyqtau salasynda jūmys ısteidı.
Aǧymdaǧy jyldyŋ basynan berı 111,5 myŋ äiel jūmyspen qamtuǧa järdemdesudıŋ belsendı şaralaryna qatysty. Onyŋ ışınde 82,8 myŋ adam, onyŋ ışınde tūraqty jūmysqa – 20,5 myŋ adam jūmysqa ornalastyryldy.
