Qazaqstan kıtaphanalarynda jazǧy demalysta 40 myŋnan astam ıs-şara ötedı, dep habarlaidy astana-akshamy.kz
Balalardyŋ oquǧa degen qyzyǧuşylyǧyn arttyru maqsatynda Qazaqstannyŋ respublikalyq, oblystyq jäne qalalyq deŋgeidegı kıtaphanalary jazda 41 922 ıs-şara ötkızedı.
Astana qalasyndaǧy QR Ūlttyq akademiialyq kıtaphanasynda ertegı terapiia, intellektualdy kvest jäne kıtap aksiialary men ekskursiialary ötedı.
Almaty qalasyndaǧy zaǧip jäne naşar köretın azamattarǧa arnalǧan respublikalyq kıtaphanada balalarǧa arnalǧan tiflotüsınıktermen ertegıler körsetıledı, şahmat, doiby, toǧyzqūmalaq üiırmelerı briynşa turnirler ūiymdastarylady.
Aqmola oblysynda asfalttaǧy fleş-suretter baiqauy, book land, dombyra-batl, aşyq aspan astynda ötetın ıs-şaralar josparlanǧan.
Soltüstık Qazaqstan oblysynda «Bala tılı – bal», «Ertegını tabyŋyz», «Vozmi knigu v dorogu» syndy türlı taqyryptar aiasynda, balalardyŋ jas erekşelıkterıne orai ıs-şaralar ötedı.
Qostanai oblysynda «Şekarasyz balalyq şaq», «Kıtaptarda kanikul joq» t.b. tanymdyq jiyndar ūiymdastyrylady.
Türkıstan oblysynda jazǧy balalar baiqauy, bibliopiknik, üiırmeler ötedı. Sondai-aq Abai oblysynda jaz ailarynda 12 baǧyt boiynşa joba jūmys ısteitın bolady.
Aqtöbe oblystyq kıtaphanalary kvest oiyndar, şeberlık saǧaty men «Oqityn dos ızdeimın» jazǧy oqu jobasyn ūiymdastyrady.
Almaty oblysynyŋ kıtaphanalarynda kıtap körmesı, suret salu baiqauy ötedı.
Atyrau oblysynda «Kıtappen bırge ötken jaz» jobasy josparlanǧan.
Öŋırler boiynşa eŋ köp ıs-şara Aqmola, Soltüstık Qazaqstan jäne Qostanai oblystarynda josparlanǧan. Astana, Almaty jäne Şymkentte jas oqyrmandar üşın 2000 ıs-şara ūiymdastyrylady.
QR Ūlttyq kıtaphanasy, QR Ūlttyq akademiialyq kıtaphanasy jäne Zaǧip jäne naşar köretın azamattarǧa arnalǧan respublikalyq kıtaphana 197 ıs-şara ötkızedı.
