Qazaqstan men Oŋtüstık Koreia astanalary qaitadan tıkelei äue qatynasymen bailanysty
Qazaqstan men Oŋtüstık Koreia astanalary qaitadan tıkelei äue qatynasymen bailanysty, dep habarlaidy astana-akshamy.kz.
Qazaqstan Respublikasynyŋ Kölık ministrlıgı tūraqty negızde reister sanyn odan ärı ūlǧaitu jäne Qazaqstannan ūşu geografiiasyn keŋeitu boiynşa jūmysty jalǧastyruda.
Jaqynda Koreia Respublikasynyŋ Prezidentı Iýn Sok Ioldıŋ Qazaqstan Respublikasyna resmi sapary barysynda ekı eldıŋ memleket basşylary ekıjaqty yntymaqtastyqty nyǧaitu maqsatynda ekı eldıŋ astanalary – Astana men Seul arasynda tıkelei äue qatynasyn qaita bastaudyŋ maŋyzdylyǧyn atap öttı.
15 mausym künı Qazaqstan men Oŋtüstık Koreia arasynda tıkelei äue qatynasynyŋ resmi aşylu räsımı öttı. Resmi ıs-şaraǧa Qazaqstan Respublikasynyŋ Kölık vise-ministrı Talǧat Lastaev, Azamattyq aviasiia komitetınıŋ töraǧasy Saltanat Tompieva, Qazaqstan Respublikasynyŋ Koreia Respublikasyndaǧy Tötenşe jäne Ökılettı Elşısı Nūrǧali Arystanov, sondai-aq Koreia Respublikasynyŋ Qazaqstan Respublikasyndaǧy elşısınıŋ keŋesşısı Sin Kiuho qatysty.
Biylǧy aqpan-nauryz ailarynda ekı eldıŋ aviasiialyq bilıgınıŋ kelıssözderınıŋ nätijesı boiynşa Astana – Seul baǧyty boiynşa äue qatynasy qalpyna keltırıldı. Osy kelıssözder barysynda ekı el arasyndaǧy äue reisterınıŋ sanyn arttyru maqsatynda şarttyq-qūqyqtyq bazany keŋeitu turaly kelısımge qol jetkızıldı.
Astana-Seul baǧyty boiynşa ūşulardy «Eir Astana» äue kompaniiasy aptasyna 2 ret (särsenbı jäne senbı künderı) «Eirbas-A321» ülgısındegı äue kemelerınde oryndaityn bolady.
Äue marşrutty ıske qosu Qazaqstan Respublikasy men Koreia Respublikasy arasyndaǧy sauda-ekonomikalyq, ıskerlık jäne turistık yntymaqtastyqty odan ärı damytuǧa yqpal etetın bolady.
