Qazaqstan öŋırlık sifrlyq habqa ainalady. Sifrlyq damu ministrı Jaslan Mädiev Premer-Ministrdıŋ töraǧalyǧymen ötken Ükımet otyrysynda aitqandai, osy baǧyttaǧy negızgı bastamalardy bailanys operatorlary qarjylandyrady, dep habarlaidy astana-akshamy.kz.
Ūlttyq joba şeŋberınde Sifrlyq Jıbek jolyn damytu üşın mynadai şaralardy ıske asyru közdelgen:
Kaspii teŋızınıŋ tübımen ūzyndyǧy 370 km optika töseu. Qazaqstan men Äzırbaijan bailanys operatorlarynyŋ investisiialary 23 mlrd teŋgeden asady.
Bügın «Qazaqtelekom» AQ men «Äzırtelekom» JŞQ arasynda bırlesken käsıporyn qūrylyp, su asty TOBJ jobalau jäne töseu üşın merdıgerdı taŋdau boiynşa tender aiaqtaluda.
Qazaqstan aumaǧy boiynşa tranzittık trafiktı ūlǧaitudy közdeitın Batys-Şyǧys ūlttyq gipermagistralınıŋ qūrylysy.
Tranzit pen halyqaralyq trafiktı saqtau üşın Tier-III deŋgeiınen tömen emes derekter ortalyǧyn salu.
Atalǧan ekı şara boiynşa «Freedom telecom» JŞS-nen ūsynys tüstı. Gipermagistralǧa öz investisiialary 2025 jyldyŋ soŋyna deiıngı merzımmen 17 mlrd teŋgeden asady, al 2027 jyldyŋ soŋyna deiın ıske asyru merzımımen DBO qūrylysyna – 90 mlrd teŋgeden asady.
Osy şaralardyŋ barlyǧyn ıske asyru halyqaralyq derekter tranzitınıŋ balamaly baǧytyn jäne BigTech kompaniialaryn (Google, Amazon, Microsoft) naryqqa tartudy qamtamasyz etedı.
