Qazaqstan Prezidentı Qatarda memlekettık saparmen jür
Qazaqstan Prezidentı Qasym-Jomart Toqaevty Dohadaǧy «Hamad» halyqaralyq äuejaiynan Qatar Memleketınıŋ Ämırı şeih Tämim ben Hamad Äl Täni qarsy aldy. Memleket basşysyn kütıp alu kezınde Qūrmet qarauyly sap tüzep tūrdy, dep habarlaidy astana-akshamy.kz.
Räsım aiaqtalǧannan keiın memleketter basşylary äuejaidyŋ märtebelı meimandar zalynda qysqaşa pıkır almasty.
Qasym-Jomart Toqaev 14 aqpan künı Qatar Memleketınıŋ Ämırı şeih Tämim ben Hamad Äl Tänimen jäne Premer-ministrı şeih Mūhammed ben Abdulrahman Äl Tänimen kelıssözder jürgızedı.
Kelıssöz qorytyndysy boiynşa bırqatar ekıjaqty qūjatqa qol qoiu josparlanyp otyr.
Sondai-aq Prezident qazaq-qatar investisiialyq döŋgelek üstelıne qatysady jäne osy eldıŋ biznes kapitandarymen bırqatar kezdesu ötkızedı.