Qazaqstanda tanymal smartfondar şyǧaryla bastauy mümkın, dep habarlaidy astana-akshamy.kz
Būl turaly Sifrlyq damu, innovasiialar jäne aeroǧaryş önerkäsıbı ministrlıgı habarlady.
Ministrlık mälımetınşe, Qazaqstan Oŋtüstık Koreiaǧa Samsung smartfondaryn bırlesıp şyǧarudy ūsyndy. Bügınde olar respublikadaǧy eŋ tanymaldardyŋ bırı sanalady.
«Būl qūrylǧylarǧa sūranys tūraqty türde ösedı. Qazaqstan naryǧynyŋ 50 paiyzdan astamyn oŋtüstıkkoreialyq brend alatynyn eskere otyryp, Qazaqstanda smartfondardyŋ bırlesken öndırısın qūru mäselesı qarastyrylyp jatyr», – dedı Sifrlyq damu ministrlıgı ökılderı Tengrinews.kz resmi saualyna bergen jauabynda.
Sondai-aq, vedomstvo bızdıŋ el «būl jobaǧa serıktes tabuǧa daiyn» dep sendırdı.
«Qazaqstanda daryndy jastar, universitetter jäne keşendı innovasiialyq ekojüie bazasy bar, būl eldı smartfondardy bırlesıp şyǧaruǧa qolaily ete alady», – dep qosty vedomstvo.
Suret: depositphotos.com
