QR Syrtqy ıster ministrlıgı Qazaqstan Bas redaktorlar klubymen özara serıktestık şeŋberınde Qazaqstan turaly materialdardy jazatyn, tüsıretın şeteldık jurnalister üşın «Qazaqstan şeteldık BAQ közımen» atty 9-baiqauyna ötınımderdı qabyldaudy bastady, dep habarlaidy astana-akshamy.kz.
2014 jyldan bastap baiqau qazaqstandyq bolmystyŋ ärtürlı aspektılerın barynşa kreativtı, şynaiy jäne obektivtı türde jariialaityn şeteldık avtorlardyŋ jazba jäne beinematerialdaryn ırıkteidı. Qazırgı uaqytta äleumettık jelıler sapaly kontenttı ūsynuda neǧūrlym maŋyzdy röl atkaruda, sondyqtan bız blogerler men äleumettık platformalardyŋ belsendı paidalanuşylarynyŋ Qazaqstanǧa bıregei közqarasymen bölısuge qatysuyn şyn jürekten qūptaimyz.
Baiqauǧa qatysuǧa 2023 jylǧy 1 tamyzdan 2024 jylǧy 1 tamyzǧa deiıngı aralyqta Qazaqstan turaly şeteldık BAQ-ta nemese äleumettık jelılerde jariialanǧan aqparattyq (analitikalyq, mädeni oiyn-sauyq, derektı jäne t.b.) materialdardy qamtityn ötınışter qabyldanady.
Jeŋımpazdar Astana, Almaty qalalary men Maŋǧystau oblysyna sapar şegu jüldesıne ie bolady. Sapar barysynda mazmūndy mädeni baǧdarlama josparlanǧan.
Biyl «Kazakh Tourism» ūlttyq kompaniiasy» AQ, Aziiadaǧy özara ıs-qimyl jäne senım şaralary jönındegı keŋesınıŋ (AÖSŞK) Hatşylyǧy, «KazAID» Qazaqstandyq halyqaralyq damu agenttıgı», Ūlttyq sport Qauymdastyǧy jäne «Jibek Joly» Ūlttyq telearnasy baiqaudyŋ serıktesterı atandy.
Negızgı taqyryptan basqa osy jyly «KazAID» jäne Ūlttyq sport Qauymdastyǧy atynan jaŋa nominasiialar ūsynylady, olardyŋ aiasynda ekı jeŋımpaz aiqyndalatyn bolady.
Baiqau qorytyndysy boiynşa bes geografiialyq aimaqtan bes jeŋımpaz anyqtalady:
– Soltüstık jäne Oŋtüstık Amerika;
– Europa;
– TMD;
– Taiau Şyǧys jäne Afrika;
– Aziia-Tynyq mūhit öŋırı
jäne turizm, AÖSŞK, «KazAID» pen ūlttyq sport türlerı taqyryptaryna qatysty nominasiialar boiynşa tört laureat.
Sonymen bırge, qalyptasqan dästürge säikes, baiqau jeŋımpazdaryna arnaiy memlekettık sektor ökılderımen, sarapşylar jäne jurnalistermen, Qazaqstannyŋ ǧylym jäne mädeniet qairatkerlerımen kezdesuler ūiymdastyrylatyn bolady.
Baiqau jeŋımpazdarynyŋ qūramyna QR Syrtqy ıster ministrlıgınıŋ, Qazaqstannyŋ Bas redaktorlar klubynyŋ, «Kazakh Tourism», AÖSŞK, «KazAID», Ūlttyq sport Qauymdastyǧynyŋ, sondai-aq «Jibek Joly» telearnasynyŋ basşylary men jauapty qyzmetkerlerı kıretın qazylar alqasy aiqyndaityn bolady.
Barlyq jūmystar 2024 jylǧy 1 tamyzdan keşıktırılmei mediacontest2024@mfa.kz elektrondy poştasyna jıberıluı tiıs.
Baiqau nätijelerın 2024 jylǧy 5 tamyzǧa deiın jariialau josparlanuda.
Qosymşa aqparat alu üşın mediacontest2024@mfa.kz poştasyna nemese +77172720987 jūmys telefonyna habarlasuǧa bolady.
