Qazaqstanda 18 myŋnan astam adam esırtkıge täueldı
![](https://astana-akshamy.kz/wp-content/uploads/2024/02/0fe99b8a-27ed-457f-9a36-308c3c6b8783-780x470.jpg)
Densaulyq saqtau ministrlıgı esırtkıge täueldı adamdar boiynşa resmi derekterdı jariialady 2024 jylǧy 1 qaŋtardaǧy jaǧdai boiynşa «Psihoaktivtı zattardy paidalanu saldarynan psihikalyq mınez-qūlyq būzylystary» diagnozymen 108 myŋ 722 adam dinamikalyq baqylauda tūr, onyŋ ışınde 18 329-y – esırtkı qūraldary men psihotroptyq zattarǧa täueldı. OKQ alaŋynda ötken döŋgelek üstel barysynda Medisinalyq kömektı ūiymdastyru departamentı basqarmasynyŋ bastyǧy Anjela Beksūltanova osyndai derekterdı keltırdı, dep habarlaidy astana-akshamy.kz.
«Naşaqorlardyŋ 91% (16 817) – erler, 9% (1 512) – äielder, 2 734 (15%) – 18 ben 29 jas aralyǧyndaǧy jastar, 66 – balalar men jasöspırımder. Ökınışke orai, resmi statistikada eldegı esırtkıge täueldı adamdardyŋ naqty sanyn körsetılmegen. Öitkenı būl körsetkış latenttı bolyp tabylady. Köptegen naşaqorlar özderınıŋ jaǧdaiyn jasyrady», – dedı spiker.
2023 jyly täulık boiy jūmys ısteitın stasionar jaǧdaiynda esırtkıge täueldı 3 534 nauqas emdeldı.
«20 jyldan berı naşaqorlardy medisinalyq-äleumettık oŋaltudyŋ keşendı baǧdarlamasy ıske asyrylyp keledı, oǧan detoksikasiia, psihoterapiialyq jäne psihokorreksiialyq emdeu, äleumettık oŋaltu kıredı», – dedı Densaulyq saqtau ministrlıgınıŋ ökılı.
Biyl medisinalyq-äleumettık oŋaltu bölımşelerın Abai, Ūlytau, Maŋǧystau jäne Şyǧys Qazaqstan oblystarynda aşu josparlanuda.