Qazaqstanda AES salu mäselesın talqylau maqsatynda bügın Jezqazǧan qalasynda qalanyŋ «Ūlytau jastary» qoǧamdyq bırlestıgınıŋ bastamasymen jariia talqylaular öttı, dep habarlaidy astana-akshamy.kz.
Jariia talqylaularǧa öŋır tūrǧyndary, jergılıktı Qoǧamdyq keŋestıŋ, ardagerler keŋesınıŋ müşelerı, oblystyq jäne qalalyq mäslihattardyŋ deputattary, QR Energetika ministrlıgınıŋ, «Qazaqstandyq atom elektr stansiialary» JŞS, «Iаdrolyq fizika instituty» RMK, «Ülbı metallurgiia zauyty» AQ, Qazaqstan halqy Assambleiasynyŋ, şaǧyn, orta jäne ırı biznestıŋ, jastar jäne ükımettık emes ūiymdardyŋ, BAQ ökılderı, jergılıktı belsendıler, ekologtar, energetikter jäne t.b. qatysty.
Spikerler retınde QR Energetika ministrlıgı, «Qazaqstandyq atom elektr stansiialary» JŞS, «Iаdrolyq fizika instituty» RMK, «Ülbı metallurgiia zauyty» AQ söz söiledı.
Spikerler öz sözınde qazırgı taŋda Qazaqstannyŋ energetika sektoryndaǧy basym baǧyttardyŋ bırı atom energetikasyn damytu bolyp tabylatynyn atap öttı. Elektr energiiasyn tūtynudyŋ ösuın eskere otyryp, Qazaqstan eldıŋ qajettılıgın tūraqty qamtamasyz etu maqsatynda jaŋa bazalyq quattardy ıske qosudy qajet etedı. Energetika sektorynda qoldanylatyn tehnologiialardy damytudyŋ aǧymdaǧy deŋgeiı jaǧdaiynda AES şyǧatyn quattardy auystyrudyŋ eŋ perspektivaly şeşımı bolyp tabylady. Sonymen qatar, Qazaqstannyŋ atom energetikasyn damytu üşın barlyq artyqşylyqtary bar. Elde şikızat pen öndırıstık bazanyŋ boluy atom energetikasyn damytudyŋ barlyq alǧyşarttaryn jasaidy.
Atalǧan ıs-şarada jergılıktı tūrǧyndar ekologiia, ekonomikalyq faktorlar, infraqūrylymdy damytu, AES-tıŋ şaǧyn jäne orta biznestı damytuǧa äserı, reaktordyŋ qauıpsızdıgı, kadrlar daiarlau boiynşa belsendı sūraqtar qoidy.
