Qazaqstan litii öndırısın jolǧa qoiudy josparlap otyr. Būl turaly Önerkäsıp jäne qūrylys ministrı Qanat Şarlapaev aitty, dep habarlaidy astana-akshamy.kz.
«Koreia Qazaqstannyŋ investisiia boiynşa eŋ ülken 5 serıktesınıŋ bırı sanalady. Qazırgı taŋda KIA zauyty salynuda. Ony kelesı jyly aşamyz. Būl – önerkäsıpke bailanysty bırınşı mäsele. Ekınşıden, bügınde Korei geologiialyq-geofizikalyq jäne mineraldy resurstar instituty Qazaqstanda sirek metaldarǧa – litiige geologiialyq barlau jürgızıp jatyr. Osyǧan orai bügın kelısımşartqa qol qoiamyz. Osy jūmystar aiaqtalǧannan keiın elımızde litii öndıruge mümkındık bolady. Qazırgı taŋda mūndai öndırıs elımızde joq», – dedı ministr bügın Aqordada.
Ministrdıŋ naqtylauynşa, koreialyq institut elımızdıŋ Şyǧys Qazaqstan oblysynda litii ken ornyna barlau jürgızıp jatyr. Atalǧan metaldan kölıkterge arnalǧan batareialar şyǧarylady.
Aita keteiık, bügın Aqordada Memleket basşysy Qasym-Jomart Toqaev pen Qazaqstanǧa üşkündık memlekettık saparmen kelgen Oŋtüstık Koreia Prezidentı Iýn Sok Iol arasynda kelıssözder ötedı.
