QR Eŋbek jäne halyqty äleumettık qorǧau ministrlıgınıŋ keŋeitılgen Alqa otyrysynda vedomstvo basşysy Svetlana Jaqypova Qazaqstanda Memlekettık eŋbek inspeksiiasy komitetı qūrylatynyn mälımdedı, dep habarlaidy astana-akshamy.kz
Ol öz sözınde Memlekettık eŋbek inspeksiiasynyŋ satyly modelı Halyqaralyq eŋbek ūiymy standarttarynyŋ bırı ekenın atap öttı. Eŋbekminın üilestıru memlekettık baqylau nätijelerı boiynşa şeşımder qabyldau kezınde eŋbek inspektorlarynyŋ täuelsızdıgı men beitaraptyǧyn qamtamasyz etuge mümkındık beredı.
Būdan basqa, Ministr eŋbektı qorǧaudy basqarudyŋ ūlttyq jüiesın jaŋǧyrtuǧa jäne qyzmetkerlerdıŋ eŋbek qūqyqtaryn qorǧau boiynşa qabyldanyp jatqan şaralarǧa egjei-tegjeilı toqtaldy.
Eŋbekminınıŋ basşysy qauıpsız eŋbek jaǧdailaryn jasau jäne öndırıstık jaraqattanudy azaitu Ükımet pen Eŋbekminınıŋ negızgı mındetterınıŋ bırı bolyp tabylatynyn atap öttı.
Bügıngı künde būl baǧytta jüielı türde oryn alyp otyrǧan problemalar baiqaluda, mysaly, oqiǧalardy jasyrudy közdeitın jasyryn jaraqattanu, ziiandy eŋbek jaǧdailaryna tartylǧan qyzmetkerlerdıŋ ülken paiyzy jäne t. b.
«Problemalardy şeşu üşın bız 2030 jylǧa deiıngı Qauıpsız eŋbek tūjyrymdamasy (būdan ärı – Tūjyrymdama) şeŋberınde jüzege asyrylatyn eŋbektı qorǧaudy basqarudyŋ ūlttyq jüiesın jaŋǧyrtudy közdeimız. Ol: eŋbektı qorǧau jönındegı şaralardy qarjylandyruda jaŋa täsılderdı qoldanu; jazataiym oqiǧalardan mındettı saqtandyru jüiesıne qyzmetkerlerdıŋ qatysuyn jandandyru; bılım sapasyn arttyru jäne bılımdı täuelsız baǧalaudy engızu arqyly eŋbektı qorǧau boiynşa bılımdı tekseru; qoǧamdyq baqylaudyŋ rölın küşeitu esebınen eŋbek jaǧdailaryn jaqsartudy jäne öndırıstık jaraqattanu men käsıptık aurular deŋgeiın tömendetudı közdeidı», – dedı Svetlana Jaqypova.
Sondai-aq, Tūjyrymdama aiasynda Otbasynyŋ sifrlyq kartasynyŋ analogyn – eŋbektı qorǧaudyŋ tiımdı memlekettık monitoringı men baqylauyn qamtamasyz etuge, ärbır problemalyq mäselege jedel jäne naqty qarauǧa mümkındık beretın Käsıporyndardyŋ sifrlyq kartasyn jasau qarastyrylǧan.
«Käsıporyndardyŋ sifrlyq kartasyn 2024 jyldyŋ 1 şıldesınen bastap qoldana bastaimyz. Būl naqty uaqyt rejimınde eŋbek jaǧdailaryna monitoring jürgızuge mümkındık beredı», – dep bölıstı vedomstvo basşysy.
Sonymen qatar, Svetlana Jaqypova käsıporyndar boiynşa barlyq mälımetter Eŋbekminı aqparattyq jüielerıne avtomatty rejimde jıberıletının atap öttı. Jūmys oryndarynyŋ käsıptık täuekelderın baǧalau tetıgı jäne käsıporynnyŋ özın integraldy baǧalau engızıletın bolady.
«Eŋbek jaǧdailaryn baǧalau prosesın sifrlandyru mamandandyrylǧan ūiymdar üşın talaptar qoiudy közdeitın bolady: olar onlain rejimde Ministrlıktıŋ aqparattyq jüielerınde ziiandy öndırıstık faktorlardyŋ boluy nemese bolmauy turaly körsetkışterdı tıkelei beruge mümkındık beretın sifrlyq jabdyqta jūmys ısteuge tiıs», – dedı Jaqypova.
Eŋbekminı basşysy Eŋbektı qorǧau jönındegı respublikalyq ǧylymi institut bazasynda käsıporyndardaǧy eŋbek qauıpsızdıgı jäne eŋbektı qorǧau jönındegı mamandardy jäne memlekettık eŋbek inspektorlaryn oqytu jäne olardyŋ bılımın tekseru jönındegı onlain-platforma ıske asyrylatynyn habarlady.
Svetlana Jaqypova jūmyskerlerdı jazataiym oqiǧalardan mındettı saqtandyru jüiesınıŋ aşyqtyǧyn arttyruǧa baǧyttalǧan bırqatar şaralar turaly aityp berdı.
«Aşyqtyqty qamtamasyz etu, şarttyq talaptardy saqtau, söz bailasudy boldyrmau maqsatynda barlyq şarttar bıryŋǧai platformada jasalatyn bolady. Käsıptık tä
uekel qataryn jäne saqtandyru tarifterın aiqyndau prosesı avtomattandyrylatyn bolady. 2023 jyly zaŋnamaǧa tüzetuler engızıldı, olar saqtandyru syilyqaqylarynyŋ 12%-na deiın aldyn alu jäne oŋaltu ıs-şaralaryn ıske asyruǧa jıberudı közdeidı.
Josparlanǧan şaralardy ıske asyru jūmys beruşılerdıŋ şarttar jasasuǧa müddelılıgın arttyruǧa, eŋbek jaǧdailaryn jaqsartatyn jūmys beruşılerdıŋ qarjylyq jüktemesın azaituǧa mümkındık beredı», – dedı ol.
Sondai-aq, vedomstvo basşysy qazaqstandyqtardyŋ eŋbegıne laiyqty aqy töleudı qamtamasyz etu bölıgınde jürgızılıp jatqan jūmystar turaly habarlady. Osylaişa, azamattyq qyzmetşılerge eŋbekaqy töleu jüiesın neǧūrlym ikemdı jäne aşyq etu josparlanuda.
«Azamattyq qyzmetşılerdıŋ sifrlyq tızılımı qūrylyp, olardyŋ bıryŋǧai «būltty buhgalteriiasy» men kadrlyq esebı «HR Enbek» aqparattyq jüiesıne engızıletın bolady. Lauazymdardy teŋestıru qaǧidatyn engızumen jäne bazalyq lauazymdyq jalaqyny, köptegen qosymşa tölemder men üstemeaqylardy oŋtailandyrumen eŋbekaqy töleu jüiesı qaita qaraldy. Sonymen qatar, ziiandylyq, üsteme jūmys, ekologiialyq jäne t.b. üşın qosymşa tölemder men üstemeaqylar saqtalady», – dep atap öttı Ministr.
Onyŋ aituynşa, jüie boiynşa ūsynylǧan özgerıster ädıl eŋbekaqy töleu qaǧidatyn saqtauǧa, qyzmetşılerdıŋ uäjdemesın arttyruǧa jäne azamattyq qyzmetten bılıktı kadrlardyŋ ketuın azaituǧa yqpal etetın bolady.
«Qyzmetkerlerdıŋ eŋbek qūqyqtaryn qorǧauǧa baǧyttalǧan kelesı basym mındet – äleumettık täuekelder tuyndaǧan jaǧdaida qyzmetkerlerdıŋ qorǧaluyn qamtamasyz etu maqsatynda eŋbek qatynastaryn deklarasiialau.
Eŋbek qatynastarynyŋ aşyqtyǧyn jäne jūmys beruşılerdıŋ eŋbek şarttary boiynşa mındettemelerın oryndauyn qamtamasyz etu üşın damyǧan elderde tabysty qoldanylatyn bırqatar sifrlyq şeşımderdı qarastyrdyq», – dep bölıstı Svetlana Jaqypova.
Osylaişa, qūpiialylyq pen şekteulı qoljetımdılıktı qamtamasyz ete otyryp, käsıporyndardyŋ ştat kestesı men jalaqysy «HR Enbek» aqparattyq jüiesınde eskerıletın bolady. Platformada eŋbek jäne ūjymdyq şarttar jasasudyŋ sifrlyq formaty da qoljetımdı. Sonymen qatar, barlyq üşjaqty kelısımder sifrlandyrylyp, käsıpodaq qyzmetkerlerı üşın avtomattandyrylǧan jūmys oryndary qūrylady.
Svetlana Jaqypova platformalyq jūmyspen qamtylǧan azamattar üşın äleumettık kepıldıkterdı retteu jäne qamtamasyz etu jönındegı şaralar turaly baiandady.
«Qyzmettı resımdeu jäne platformalarda jūmys ısteitın adamdardy äleumettık qorǧaudy qamtamasyz etu maqsatynda 4% tırkelgen paiyzdyq mölşerlememen jeŋıldetılgen salyq rejimın engızu, sondai-aq platforma operatorlaryn salyq agentterı aiqyndau josparlanuda», – dedı ol.
Vedomstvo basşysy atalǧan tetıktı synaqtan ötkızu üşın ötken jyldan bastap Iаndeks.Taksimen bırlesıp 4 myŋnan astam jürgızuşı qatysatyn pilottyq joba ıske asyrylyp jatqanyn atap öttı.
«Jürgızılıp jatqan jūmys şeŋberınde bırqatar sifrlyq şeşımder engızıledı. Osylaişa, azamattarǧa platformalyq jūmyspen qamtylǧan dep tanu üşın jariia şartqa qosylu jetkılıktı bolady, olar salyq deklarasiialaryn tapsyrudan bosatylady. Memlekettık organdar jüielerınıŋ aqparatyn integrasiialau arqyly jürgızuşı kuälıgınıŋ boluy, sottylyǧy, medisinalyq tekseruden ötu, avtokölıktı tehnikalyq baiqaudan ötu jäne t.b. turaly derekterdı tekseru jüzege asyrylatyn bolady, al barlyq salyq mındettemelerı men äleumettık tölemderdı internet-platforma operatory jüzege asyratyn bolady. Öz kezegınde, onlain rejimde oryndauşylar operator jasaǧan tölemderdıŋ dūrystyǧy men uaqtylyǧyn baqylai alady», – dedı Svetlana Jaqypova.
