Juyrda BAQ-ta jariialanǧan maqalada avtor «adal jūmys ısteitın käsıpkerler 43 salyqty tölep, 221 eseptılıktı tapsyruy kerek…» dep baiandaǧan. Memlekettık kırıster komitetı körsetılgen aqparattyŋ şyndyqqa janaspaitynyn mälımdedı, dep habarlaidy astana-akshamy.kz atalǧan komitettıŋ baspasöz qyzmetıne sılteme jasap.
Qoldanystaǧy salyq zaŋnamasyna säikes qazırgı uaqytta Qazaqstan Respublikasynda salyqtardyŋ kelesıdei 11 türı, sondai-aq biudjetke tölenetın tölemder közdelgen:
salyqtar: korporativtık tabys salyǧy; jeke tabys salyǧy; qosylǧan qūn salyǧy; aksizder; eksportqa renta salyǧy; jer qoinauyn paidalanuşylardyŋ arnauly tölemderı men salyqtary; äleumettık salyq; kölık qūraly salyǧy; jer salyǧy; mülık salyǧy; oiyn biznesı salyǧy;
biudjetke tölenetın tölemder: memlekettık baj; alymdar; tölemder: jekelegen qyzmet türlerımen ainalysuǧa arnalǧan lisenziialardy paidalanǧany; jer uchaskelerın paidalanǧany; jerüstı közderınen su resurstaryn paidalanǧany; qorşaǧan ortaǧa terıs äser etkenı; januarlar düniesın paidalanǧany; ormandy paidalanǧany; erekşe qorǧalatyn tabiǧi aumaqtardy paidalanǧany; radiojiılıktı spektrdı paidalanǧany; qalaaralyq jäne (nemese) halyqaralyq telefon bailanysyn, sondai-aq ūialy bailanysty bergenı; syrtqy (körnekı) jarnamany ornalastyrǧany; sifrlyq maining.
Sonymen qatar, Qazaqstan Respublikasynda 2024 jyly salyq töleuşıler üşın salyq eseptılıgınıŋ 39 nysany (SEN) közdelgen, onyŋ ışınde: korporativtık tabys salyǧy boiynşa – 8, jeke tabys salyǧy boiynşa jäne äleumettık salyǧy boiynşa -5, qosylǧan qūn salyǧy boiynşa – 2, aksizder boiynşa – 2, jer qoinauyn paidalanuşylardyŋ arnaiy tölemderı – 8, jergılıktı salyqtar boiynşa– 4, tölemder boiynşa – 5, arnaiy salyq rejimınıŋ salyqtar boiynşa – 5.
Qazırgı uaqytta salyq eseptılıgınıŋ qoldanystaǧy nysandarynyŋ sany qaita qaraluda (2023 jyly – 39 nysan). Uäkılettı memlekettık organdar Qarjy ministrlıgınıŋ aqparatttyq jüielerımen integrasiialauǧa daiyn bolǧan kezde salyq eseptılıgınıŋ sanyn kezeŋ-kezeŋımen qysqartu ūsynylady. Bırınşı kezeŋde salyq eseptılıgınen jekelegen qosymşalardy alyp tastau, sondai-aq jaldamaly jūmyskerlerı joq şaǧyn biznes subektılerı üşın salyq eseptılıgın joiu ūsynylady. Olardyŋ mındettemelerı tek türlı platformalar arqyly salyq töleumen şekteletın bolady: Memlekettık kırıster komitetınıŋ mobildı qosymşalary, bankterdıŋ mobildı qosymşalary, egov portaly, Memlekettık kırıster komitetınıŋ kgd.gov.kz portaly jäne basqa da mümkındıkter qaralǧan.
